1 Mbai 25:1 - Mbeti ti Nzapa - Tënë so amu fini

¹ David na amakonzi ti abongbi azia ambeni *hale ti Asaf, ti Heman na ti Yedutun nde ti sara kua ti Nzapa. Ala yeke he bia ti tene atënë so alondo na Nzapa si ala yeke pika na gbe ni akundi, akete kundi nga na awen so ayeke toto. Iri ti azo so a mu ala ndali ti kua ni ayeke so:

1 Mbai 25:1 ပူးပေါင်းရင်းမြစ်များ

1 Agbia 10:12

Gbia amu keke ti santal ni, lo sara na kete gbagba ti tere ti eskalie ndali ti kota da ti KOTA GBIA nga ndali ti yangbo ti lo. Lo mu nga keke ni, lo sara na aye ti mozoko, akete kundi na akota kundi ndali ti azo ti hengo bia. Keke ti santal so aga na ni lani na Israel, zo ade ti baa mara ni laoko pepe ngbii asi laso.

2 Agbia 3:15

Fadeso, ala ga na mbi mbeni zo ti pikango mozoko.” Na ndembe so zo ti pikango mozoko ni ayeke pika mozoko, ngangu ti KOTA GBIA aga na ndö ti Élisée.

1 Mbai 12:28

Yoyada nga ayeke daa, lo yeke makonzi ti kete mara ti Aaron; akpengba turugu 3 700 amu peko ti lo.

1 Mbai 13:8

David na azo ti Israel kue afa ngia ti ala na dawa ti Nzapa na ngangu ti ala kue. Ala yeke he bia na aye ti mozoko tongana akota kundi, akete kundi, akete ngo, awen so atoto nga na atatalita.

1 Mbai 15:28

Azo ti Israel kue ague na sanduku ti mbuki ti KOTA GBIA na Jérusalem; ala yeke dekongo na ngia si ala yeke huru adidi, atatalita, ala yeke pika awen so atoto, akota kundi na akete kundi.

1 Mbai 23:2

David abongbi amakonzi ti Israel kue, awayango-sandaga na azo ti mara ti Lévi.

1 Mbai 25:2

Amolenge ti Asaf: Zakur, Joseph, Netania na Asarela. Ala yeke sara kua na gbe ti babâ ti ala so ayeke he bia ti tene tënë so alondo na Nzapa alingbi na yanga so gbia amu.

1 Mbai 25:3

Amolenge ti Yedutun: Gedalia, Seri, Yeshaya, Shimei, Hashabia na Matitia. Amolenge ni omene kue ayeke sara kua na gbe ti babâ ti ala so ayeke he bia ti tene tënë so alondo na Nzapa si ala yeke pika kundi na gbe ti bia ni ti sepela na ti gonda *KOTA GBIA.

1 Mbai 25:9

So ayeke iri ti amakonzi ti abongbi oko oko so a bi mbeni ye si a soro ala: 1. Joseph, molenge ti Asaf. 2. Gedalia 3. Zakur 4. Isri 5. Netania 6. Bukia 7. Yesarela 8. Yeshaya 9. Matania 10. Shimei 11. Azarel 12. Hashabia 13. Shubael 14. Matitia 15. Yeremot 16. Hanania 17. Yoshebekasha 18. Hanani 19. Maloti 20. Eliata 21. Hotir 22. Gidalti 23. Mahaziot 24. Romameti-Ezer. Makonzi oko oko abongbi na ambeni zo ti sewa ti lo si na ya ti bongbi oko oko, azo ayeke baleoko na use.

1 Mbai 6:16

David azia na maboko ti ambeni hale ti Lévi, kua ti hengo bia na ya ti da ti *KOTA GBIA, na ndembe so a yeke zia sanduku ti Nzapa na ya ni.

1 Mbai 6:33

Ambeni ita ti ala, azo ti mara ti Lévi ayeke sara ambeni kua nde na ya ti kota da ti Nzapa.

1 Mbai 6:39

So ayeke iri ti ando so a mu na *ahale ti Aaron na akete mara ti Kehat ti duti daa laa. Ala laa ayeke akozo zo so awara sese ti duti daa; a bi mbeni ye ti hinga lege so a kangbi ye na ala.

1 Mbai 6:44

Ashan na ando so ayeke na tere ni nga na Bet-Shemesh na ando so ayeke na tere ni.

1 Mbai 9:33

Amakonzi ti asewa ti azo ti mara ti Lévi so ayeke baa ndo na ndö ti hengo bia, ala yeke lango na ya ti ada so a sara ni ndali ti ala. Ala yeke sara mbeni kua nde pepe, ngbanga ti so ala yeke sara kua ti ala bi na lâ.

2 Mbai 23:1

Na ngu mbarambara ni, wayango-sandaga Yoyada aye ti sara kpengba ye. Lo na amakonzi ti aturugu so ayeke na li ti aturugu ngbangbo oko asara *mbuki; amakonzi ti aturugu ni ayeke so: Azaria, molenge ti Yeroam; Ismael, molenge ti Yohanan; Azaria, molenge ti Obed; Maaseya, molenge ti Adaya na Elishafat, molenge ti Zikri.

2 Mbai 23:13

Lo baa ndo si lo baa gbia so ayeke luti na ndö ti mbeni ye so a leke na nduzu titene agbia aluti daa, na yanga ti kota da ti Nzapa. Amakonzi na azo ti hurungo tatalita ayeke nduru na tere ti gbia. Azo ti kodro kue ayeke na ngia si ambeni ayeke huru tatalita. Azo ti pikango mozoko ayeke pika aye ti mozoko ti ala; azo ti hengo bia amu agbakuru ti bia ti ala si ala yeke mu li ti abia ti sepelango Nzapa. Atalii asuru bongo na tere ti lo si lo dekongo, lo tene: “So kango zo laa! So kango zo laa!”

2 Mbai 23:18

Na pekoni, Yoyada azia kua ti batango kota da ti KOTA GBIA na maboko ti awayango-sandaga so ayeke azo ti mara ti Lévi. David akangbi lani awayango-sandaga ni na ya ti abongbi nde nde na ya ti kota da ti KOTA GBIA titene ala ya na KOTA GBIA asandaga so a yeke gbi ni kue na wâ, alingbi na *Ndia ti Moïse. Lo mu yanga na ala ti sara kua ni na hengo bia na ngia.

2 Mbai 23:9

Wayango-sandaga Yoyada amu na amakonzi so ayeke na li ti aturugu ngbangbo oko alikongo, akota *vala na akete vala ti gbia David; aye ni so ayeke na ya ti kota da ti Nzapa.

2 Mbai 29:13

ti kete mara ti Elisafan: Shimri na Yeiel; ti kete mara ti Asaf: Zakarii na Matania;

2 Mbai 29:14

ti kete mara ti Heman: Yehiel na Shimei; ti kete mara ti Yedutun: Shemaya na Uziel.

2 Mbai 31:2

Ezekias azia na sese abongbi nde nde ti awayango-sandaga na ti azo ti mara ti Lévi. Na ya ti abongbi ni so, lo zia zo oko oko na yanga ti kua ti lo. Kua ti awayango-sandaga na ti azo ti mara ti Lévi ayeke ti ya *asandaga so a yeke gbi ni kue na wâ na asandaga ti beoko, kua ti hengo bia ti mungo singila na Nzapa na ti sepelango Nzapa na ya ti gbagba ti kota da ti *KOTA GBIA.

2 Mbai 34:12

Azo ni asara kua ti ala lakue na legeni. Azo ti mara ti Lévi Yahat na Abdias, *ahale ti Merari, ala na Zakarii na Meshulam, ahale ti Kehat, ala laa ayeke na ndö ti azo ti sarango kua ni. Azo ti mara ti Lévi so kue ahinga ti pika aye ti mozoko.

2 Mbai 35:15

Azo ti hengo bia so ayeke ahale ti Asaf angba na ndo ti kua ti ala, alingbi na yanga so David, Asaf, Heman na Yedutun, zo ti bango nda ti aye ti gbia amu. Azo ti batango ayanga ti gbagba angba na ndo ti kua ti ala; ala zia kua ti ala ahon pepe, ngbanga ti so a-ita ti ala, azo ti mara ti Lévi ayeke to kobe ndali ti ala.

2 Mbai 5:12

Azo ti mara ti Lévi so ayeke azo ti hengo bia, Asaf, Heman, Yedutun, ala na amolenge ti ala nga na a-ita ti ala ayu abongo ti *len. Ala luti na tere ti gbalaka, na mbage ti To, ala gbu na maboko ti ala ngo, akota kundi na akete kundi. Awayango-sandaga ngbangbo oko na baleuse ayeke huru tatalita nduru na ala.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

Esdras 2:41

Azo ti hengo bia na ya ti kota da ti Nzapa so akiri ayeke tongaso: akoli ti kete mara ti Asaf ayeke 128.

Esdras 6:18

A kangbi ya ti awayango-sandaga na azo ti mara ti Lévi si ala duti na ya ti abongbi nde nde, tongaso si ala lingbi ti sara kua ti Nzapa na Jérusalem, alingbi na tënë so a su na ya ti mbeti ti Moïse.

Néhémie 11:17

Ambeni zo ni ayeke Matania, molenge ti Mika; Mika ayeke molenge ti Zabdi; Zabdi ayeke molenge ti Asaf, makonzi so ayeke mu li ti bia ti sepelango Nzapa na ndembe so azo ayeke sambela; Bakebukia, ita ti Matania ayeke mu na lo maboko; Abda, molenge ti Shamua; Shamua ayeke molenge ti Galal; Galal ayeke molenge ti Yedutun.

Néhémie 12:24

Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.

Néhémie 12:27

So ala hunzi ti leke gbagba ti Jérusalem awe, a tokua titene a iri azo ti mara ti Lévi so ayeke lango na ando nde nde ti ga na Jérusalem ti sara matanga ti ziango gbagba ti gbata ni nde ndali ti Nzapa. Ala sara matanga ni na ngia, na lege ti abia ti sepelango Nzapa, na lege ti pikango ngo, akota kundi na akete kundi.

Abia (Psaumes) 81:2

Ala he bia na ngia na Nzapa so ayeke mu ngangu na e, ala dekongo na ngia na Nzapa ti Jacob.

Abia (Psaumes) 81:3

Ala pika mozoko, ala pika kete ngo, kundi so ayeke sara mozoko pendere, ala pika ni, ala pika kota kundi.

Ezekiel 40:44

Na ya ti gbagba ni, na tere ti yanga ti gbagba ni, ada ayeke daa ndali ti azo ti hengo bia. Oko ayeke na tere ti yanga ni so ayeke na mbage ti Banga, yanga ni abaa ndo na mbage ti Mbongo; mbeni ayeke na tere ti yanga ni so ayeke na mbage ti Mbongo, yanga ni abaa ndo na mbage ti Banga.

1 Samuel 10:5

Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.