1 Mbai 24:6 - Mbeti ti Nzapa - Tënë so amu fini

⁶ Wakuasu Shemaya, molenge ti Netaneel, zo ti mara ti Lévi, asu iri ti azo ti mara ti Lévi na dawa ti gbia, ti amakonzi, ti wayango-sandaga Sadok, ti Ahimelek, molenge ti Abiatar nga na dawa ti amakonzi ti asewa ti awayango-sandaga na ti azo ti mara ti Lévi. Ndali ti ahale ti Elazar, a yeke bi ye ni fani use; ndali ti ahale ti Itamar, a yeke bi ni fani oko; a yeke sara ni gi tongaso ti gue na ni.

1 Mbai 24:6 ပူးပေါင်းရင်းမြစ်များ

1 Agbia 4:3

Elihoref na Ahia, amolenge ti Shisha, ala yeke awakuasu; Yoshafat, molenge ti Ahilud ayeke zo ti tenengo peko ti tënë ti yanga ti gbia;

1 Mbai 18:16

Sadok, molenge ti Ahitub, lo na Abimelek, molenge ti Abiatar ayeke awayango-sandaga; Shavesha ayeke wakuasu;

1 Mbai 23:24

So ayeke ahale ti Lévi na lege ti akete mara ti ala oko oko nga na lege ti amakonzi ti asewa ti ala oko oko laa. A su iri ti ala oko oko kue na mbeti. Ala so ngu ti ala alingbi baleuse na ala so ngu ti ala ahon baleuse, a mu ala ti sara kua na ya ti kota da ti KOTA GBIA.

1 Mbai 24:31

Tongana ti so a-ita ti ala, ahale ti Aaron asara, ala nga abi mbeni ye ti baa na lege ti kua ti ala. Ala sara ye ni na dawa ti gbia David, lo na Sadok, Ahimelek, amakonzi ti asewa ti awayango-sandaga nga na azo ti mara ti Lévi. Tongaso, kua so a mu na kota zo ti sewa, gi ni laa a mu na ngambe ni.

1 Mbai 24:7

So ayeke iri ti amakonzi ti abongbi so a bi mbeni ye ti soro na ala laa: 1. Yoyarib 13. Hupa 2. Yedaya 14. Yeshebab 3. Harim 15. Bilga 4. Seorim 16. Imer 5. Malkia 17. Hezir 6. Miamin 18. Hapises 7. Hakos 19. Petahia 8. Abia 20. Ezekiel 9. Yeshua 21. Yakin 10. Shekania 22. Gamul 11. Eliashib 23. Delaya 12. Yakim 24. Maazia

2 Mbai 34:13

Ala yeke baa ndo na ndö ti azo ti yongo akungba nga na ndö ti azo ti kua ni kue, zo oko oko na kua so lo hinga ti sarango ni. Na popo ti azo ti mara ti Lévi, ambeni ayeke awakuasu, ambeni ayeke baa ndo na ndö ti akua si ambeni ayeke azo ti batango yanga ti da.

Néhémie 8:1

Azo ti Israel abongbi tere ti ala tongana zo oko na Jérusalem na kota le ti kodro so abaa le na yanga ti gbagba so iri ni Ti-ngu. Ala hunda na Esdras, wafango-ndia titene lo ga na mbeti ti *Ndia so *KOTA GBIA amu ando na azo ti Israel na lege ti Moïse.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Matthieu 8:19

Mbeni wafango-ndia aga nduru na tere ti lo si atene na lo: “*Kota Gbia, fade mbi yeke mu peko ti mo na ndo so kue mo yeke gue daa.”

Marc 2:26

David ali na ya ti da ti Nzapa, lo mu mapa so a mu na *sandaga na Nzapa, lo te ni si lo mu mbeni na azo so amu peko ti lo. Na ngoi ni so, Abiatar laa ayeke kota wayango-sandaga. Andaa a mu lege gi na awayango-sandaga ti te mapa ni!”