1 Mbai 24:5 - Mbeti ti Nzapa - Tënë so amu fini

⁵ A bi mbeni ye ti kangbi kua na ala, ngbanga ti so na popo ti ahale ti Elazar na ti Itamar, ambeni ayeke “amakonzi ti ndo so ayeke nde si ayeke nzoni kue” si ambeni ayeke “amakonzi ti Nzapa”.

1 Mbai 24:5 ပူးပေါင်းရင်းမြစ်များ

1 Mbai 24:31

Tongana ti so a-ita ti ala, ahale ti Aaron asara, ala nga abi mbeni ye ti baa na lege ti kua ti ala. Ala sara ye ni na dawa ti gbia David, lo na Sadok, Ahimelek, amakonzi ti asewa ti awayango-sandaga nga na azo ti mara ti Lévi. Tongaso, kua so a mu na kota zo ti sewa, gi ni laa a mu na ngambe ni.

1 Mbai 24:4

Andaa wungo ti akoli na popo ti ahale ti Elazar ayeke mingi ahon ala ti ahale ti Itamar. Nilaa a kangbi ahale ti Elazar na ya ti bongbi baleoko na omene, a kangbi ala ti Itamar na ya ti bongbi miombe; bongbi oko oko ayeke na makonzi ti lo.

1 Mbai 25:8

A bi mbeni ye ti hinga lege so ala yeke sara na kua ni: ataa akota zo, wala akete zo, ataa azo so ahinga ye nzoni wala ala so angba ti manda ye, a sara kangbi na popo ti ala pepe.

1 Mbai 26:13

A bi mbeni ye si a kangbi kua ti batango ayanga ti gbagba oko oko na popo ti azo ni, na lege ti asewa ti ala oko oko; a kangbi akua ni alingbi tere, ataa na akota zo, wala na akete zo.

1 Mbai 9:11

na Azaria, molenge ti Hilkia, Hilkia ayeke molenge ti Meshulam, Meshulam ayeke molenge ti Sadok, Sadok ayeke molenge ti Merayot, Merayot ayeke molenge ti Ahitub, Ahitub ayeke makonzi ti kota da ti Nzapa;

2 Mbai 35:8

Amakonzi ti lo, na be ti ala wani azi nga na ndö ti anyama ti ala ambeni nyama ti mu na azo ti kodro, awayango-sandaga nga na azo ti mara ti Lévi. Hilkia, Zakarii na Yehiel, amakonzi ti kota da ti Nzapa amu na awayango-sandaga ataba na angasa saki use na ngbangbo omene nga na abagara ngbangbo ota ndali ti sandaga ti Pake ni.

Néhémie 11:11

Seraya, molenge ti Hilkia; Hilkia ayeke molenge ti Meshulam; Meshulam ayeke molenge ti Sadok; Sadok ayeke molenge ti Merayot; Merayot ayeke molenge ti Ahitub, makonzi ti kota da ti Nzapa;

Amato 16:33

Azo ayeke bi ye ti hinga na nda ti ye; tanga ti tënë kue ayeke na yanga ti KOTA GBIA.

Ésaïe 43:28

Tongaso mbi bi buba na tere ti amakonzi so ayeke sara kua na ndo so a zia ni nde ndali ti mbi, mbi zia Jacob titene a fâ lo, mbi zia Israel na maboko ti awato ti lo titene ala zonga lo.

Jonas 1:7

Azo ti ya ti mangboko ni atene na popo ti ala: “Ala ga, e bi zeke ti hinga zo wa laa asara si pasi so asi na e so.” Ala bi zeke ni si afa Jonas.

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Matthieu 27:1

Na ndaperere, akota wayango-sandaga kue na *akangba ti azuife abongbi ti fâ ngbanga ti kuâ na li ti Jésus.

Awatokua 1:26

Na pekoni, ala bi ye ti hinga zo wa laa a soro lo. Ye ni afa Matthias si a zia lo na tere ti awatokua baleoko na oko.

Awatokua 4:1

Na ndembe so Pierre na Jean angba ti tene tënë na azo ni, awayango-sandaga na makonzi ti aturugu ti kota da ti Nzapa na *asadusien asi.

Awatokua 4:6

Kota wayango-sandaga Hane ayeke daa, lo na Kaife, Jean, Alexandre na ambeni zo ti sewa ti kota wayango-sandaga ni.

Awatokua 5:24

So akota wayango-sandaga na makonzi ti aturugu ti kota da ti Nzapa ama tënë so, ala hinga li ti ala na ye ni pepe; ala hunda tere ti ala, atene: “Ye ni ayeke ga ande tongana nyen!”

Josué 18:10

Na Silo, Josué abi mbeni ye na dawa ti KOTA GBIA ti baa lege so lo yeke kangbi sese ni na azo ti Israel. Lo kangbi sese ni na ala alingbi na amara ti ala oko oko kue.