1 Mbai 24:19 - Mbeti ti Nzapa - Tënë so amu fini

¹⁹ Lege so a kangbi ala titene ala sara akua ti ala na ya ti kota da ti *KOTA GBIA laa. Ala yeke sara kua ni alingbi na peko ti yanga ti kotara ti ala Aaron, alingbi nga na yanga so KOTA GBIA, Nzapa ti Israel amu.

1 Mbai 24:19 ပူးပေါင်းရင်းမြစ်များ

1 Mbai 24:1

A kangbi *ahale ti Aaron na ya ti abongbi nde nde. Aaron adu amolenge-koli osio: Nadab, Abihu, Elazar na Itamar.

1 Mbai 24:20

So ayeke iri ti ambeni *hale ti Lévi: Na popo ti ahale ti Amram, Shubael ayeke daa; na popo ti ahale ti Shubael, Yedia ayeke daa.

1 Mbai 6:34

Kua ti Aaron, lo na ahale ti lo ayeke ti ya *asandaga ti nyama na ndö ti gbalaka ti sandaga so a yeke gbi ni kue na wâ; ala yeke ya nga asandaga ti dukani na ndö ti gbalaka ti zongo dukani. Ala yeke baa lege ti akua ti ndo so ayeke nde si ayeke nzoni kue ahon atanga ni, ala yeke sara ye titene Nzapa azi siokpari na li ti azo ti Israel, alingbi gi na atënë ti yanga ti Moïse, zo ti kua ti Nzapa.

1 Mbai 9:25

Ambeni ita ti ala so angba na ya ti akete kodro ti ala, ala yeke ga ngoi na ngoi ti sara kua ti batango yanga ti gbagba na ya ti yenga oko oko.

2 Mbai 23:4

Ye so fade ala yeke sara ayeke so: tongana awayango-sandaga na azo ti mara ti Lévi ayeke to nda ti sara kua na *lango ti wungo tere, kozo bongbi ti ala ayeke bata ayanga ti kota da ti Nzapa;

2 Mbai 23:8

Azo ti mara ti Lévi na azo ti Juda kue asara ye alingbi gi na yanga so wayango-sandaga Yoyada amu. Makonzi oko oko abongbi azo ti lo, azo so ato nda ti kua ti ala na lango ti wungo tere nga na ala so ahunzi kua ti ala na lango ni so, ngbanga ti so Yoyada azia lege na bongbi oko ti gue ti wu tere ti lo pepe.

Nzoni Tënë so Luc asu na mbeti 1:8

Ngoi ti Zakarii ti sara kua ti yango sandaga na le ti Nzapa alingbi; so ayeke ngoi titene lo na azo ti bongbi ti lo asara kua.

1 Korente 14:40

Ala sara ye kue na legeni, me na ya ti wusuwusu pepe.

Ahebro 7:11

Na lege ti Ndia so a mu na azo ti Israel, ahale ti Lévi laa a yeke soro ala ti ga awayango-sandaga; ala yeke awayango-sandaga tongana ti Aaron, me lege ti ala ti dutingo awayango-sandaga ni ayeke nzoni kue pepe. Tongana ayeke fade nzoni kue, ngbanga ti nyen ti mu mbeni wayango-sandaga tongana ti Melkisedeke? So ti tene, mbeni wayango-sandaga so ayeke hale ti Aaron pepe.