1 Mbai 24:1 - Mbeti ti Nzapa - Tënë so amu fini

¹ A kangbi *ahale ti Aaron na ya ti abongbi nde nde. Aaron adu amolenge-koli osio: Nadab, Abihu, Elazar na Itamar.

1 Mbai 24:1 ပူးပေါင်းရင်းမြစ်များ

1 Mbai 23:6

David akangbi azo ti mara ti Lévi na ya ti abongbi nde nde na lege ti akete mara ti ala: kete mara ti Gershon, ti Kehat na ti Merari.

1 Mbai 28:13

David amu na lo mbeti so afa kode so a leke na abongbi ti awayango-sandaga na ti azo ti mara ti Lévi nga na akua so ala yeke sara. Lo mu nga na lo iri ti akungba ti sarango na kua ti kota da ti KOTA GBIA.

1 Mbai 6:3

Amolenge ti Kehat ayeke Amram, Isar, Hebron na Uziel.

1 Mbai 6:34

Kua ti Aaron, lo na ahale ti lo ayeke ti ya *asandaga ti nyama na ndö ti gbalaka ti sandaga so a yeke gbi ni kue na wâ; ala yeke ya nga asandaga ti dukani na ndö ti gbalaka ti zongo dukani. Ala yeke baa lege ti akua ti ndo so ayeke nde si ayeke nzoni kue ahon atanga ni, ala yeke sara ye titene Nzapa azi siokpari na li ti azo ti Israel, alingbi gi na atënë ti yanga ti Moïse, zo ti kua ti Nzapa.

2 Mbai 23:8

Azo ti mara ti Lévi na azo ti Juda kue asara ye alingbi gi na yanga so wayango-sandaga Yoyada amu. Makonzi oko oko abongbi azo ti lo, azo so ato nda ti kua ti ala na lango ti wungo tere nga na ala so ahunzi kua ti ala na lango ni so, ngbanga ti so Yoyada azia lege na bongbi oko ti gue ti wu tere ti lo pepe.

2 Mbai 31:2

Ezekias azia na sese abongbi nde nde ti awayango-sandaga na ti azo ti mara ti Lévi. Na ya ti abongbi ni so, lo zia zo oko oko na yanga ti kua ti lo. Kua ti awayango-sandaga na ti azo ti mara ti Lévi ayeke ti ya *asandaga so a yeke gbi ni kue na wâ na asandaga ti beoko, kua ti hengo bia ti mungo singila na Nzapa na ti sepelango Nzapa na ya ti gbagba ti kota da ti *KOTA GBIA.

2 Mbai 5:11

Awayango-sandaga alondo na ndo so ayeke nde si ayeke nzoni kue si ala sigigi. Awayango-sandaga so kue ayeke daa na ngoi ni so *asukula sioni ti ala, me na lege ti molongo ti ala pepe.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

Esdras 6:18

A kangbi ya ti awayango-sandaga na azo ti mara ti Lévi si ala duti na ya ti abongbi nde nde, tongaso si ala lingbi ti sara kua ti Nzapa na Jérusalem, alingbi na tënë so a su na ya ti mbeti ti Moïse.

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Sigingo 6:23

Aaron amu Elisheba, molenge ti Aminadab ti ga wali ti lo. Elisheba ayeke ita ti Nashon ti wali. Aaron na Elisheba adu amolenge-koli osio: Nadab, Abihu, Elazar na Itamar.

Wungo ti azo 26:60

Aaron adu amolenge-koli osio: Nadab, Abihu, Elazar na Itamar.

Wungo ti azo 3:2

Iri ti amolenge ti Aaron ti koli ayeke so: kozo molenge ni ayeke Nadab. Na peko ti lo ayeke Abihu, Elazar na Itamar.

Wungo ti azo 3:4

Me Nadab na Abihu akui na ya ti benyama ti Sinai na dawa ti KOTA GBIA, ngbanga ti so ala mu mbeni wâ nde na *sandaga na KOTA GBIA. Ala du amolenge pepe. Gi Elazar na Itamar laa angba ti sara kua ti wayango-sandaga, ala na babâ ti ala Aaron.