1 Mbai 23:4 - Mbeti ti Nzapa - Tënë so amu fini

⁴ David asoro azo 24 000 titene ala baa ndo na ndö ti akua ti kota da ti *KOTA GBIA, azo 6 000 tongana awakuasu nga na awafango-ngbanga;

1 Mbai 23:4 ပူးပေါင်းရင်းမြစ်များ

1 Mbai 6:48

Ahale ti Merari na lege ti asewa ti ala awara agbata baleoko na use na lege so a bi mbeni ye ti hinga lege so a kangbi agbata ni na ala; agbata ni ayeke na sese ti azo ti mara ti Ruben, ti Gad na ti Zabulon.

2 Mbai 19:8

Na Jérusalem nga, Yosafat azia ambeni zo ti mara ti Lévi, ambeni wayango-sandaga nga na amakonzi ti asewa ti Israel titene ala fâ ngbanga ti azo na iri ti KOTA GBIA si ala leke nga atënë so ayeke na popo ti azo ti gbata ni.

2 Mbai 23:18

Na pekoni, Yoyada azia kua ti batango kota da ti KOTA GBIA na maboko ti awayango-sandaga so ayeke azo ti mara ti Lévi. David akangbi lani awayango-sandaga ni na ya ti abongbi nde nde na ya ti kota da ti KOTA GBIA titene ala ya na KOTA GBIA asandaga so a yeke gbi ni kue na wâ, alingbi na *Ndia ti Moïse. Lo mu yanga na ala ti sara kua ni na hengo bia na ngia.

2 Mbai 34:13

Ala yeke baa ndo na ndö ti azo ti yongo akungba nga na ndö ti azo ti kua ni kue, zo oko oko na kua so lo hinga ti sarango ni. Na popo ti azo ti mara ti Lévi, ambeni ayeke awakuasu, ambeni ayeke baa ndo na ndö ti akua si ambeni ayeke azo ti batango yanga ti da.

Néhémie 11:22

Zo so ayeke na li ti azo ti mara ti Lévi ayeke Uzi, molenge ti Bani; Bani ayeke molenge ti Hashabia; Hashabia ayeke molenge ti Mika; Mika ayeke mbeni zo ti kete mara ti Asaf; kete mara so kua ti azo ni ayeke ti hengo bia na ya ti kota da ti Nzapa.

Néhémie 11:9

Joël, zo ti gbata ti Zikri; lo laa lo yeke na li ti bongbi so. Yehuda, molenge ti Hasenua ayeke use makonzi ti gbata ni.

Ezekiel 44:24

Tongana mbeni tënë alondo, ala laa ayeke fâ ngbanga ni; ala yeke fâ ngbanga ni alingbi na andia ti mbi. Ala yeke sara ye alingbi na akpengba tënë ti mbi nga na ambela ti mbi so mbi mu ndali ti amatanga ti mbi. Ala yeke sara titene azo abata *lango ti wungo tere nde ndali ti mbi.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Ndia ti fani use ni 16:18

Moïse atene: Ala azo ti Israel, na ya ti agbata so kue *KOTA GBIA Nzapa ti ala ayeke mu na ala, fade ala yeke soro na ya ti mara ti ala oko oko, awafango-ngbanga na akota zo ti tere ti ala; fade ala yeke fâ ngbanga ti azo ti mara ni na legeni.