1 Mbai 22:5 - Mbeti ti Nzapa - Tënë so amu fini

⁵ David atene na be ti lo: “Molenge ti mbi Salomon angba maseka, ade lo kpengba pepe. Kota da so fade a yeke sara ndali ti *KOTA GBIA so, alingbi akono si apendere; alingbi nga titene sango ni asi na ya ti akodro kue. Fade mbi yeke leke aye ti sarango na da ni ti ku na lo.” Tongaso David aleke aye mingi ndali ti kota da ni kozoni si lo kui.

1 Mbai 22:5 ပူးပေါင်းရင်းမြစ်များ

1 Agbia 3:7

Biani, KOTA GBIA Nzapa ti mbi, mo laa mo mu mbi, zo ti kua ti mo titene mbi le-gbia na plase ti babâ ti mbi David, ataa so mbi de molenge si mbi hinga lege ti sara komandema pepe.

1 Agbia 9:8

Tongana mbeni zo ahon ande na tere ti kota da so azo agonda ni mingi so, fade li ti lo kue ayeke kpe, lo yeke huru yanga ti lo si lo yeke hunda tere ti lo, lo tene: ‘KOTA GBIA asara na kodro so nga na kota da so tongaso ngbanga ti nyen?’

1 Mbai 29:1

Gbia David atene na bongbi ti azo ni kue: “Molenge ti mbi Salomon ayeke zo so Nzapa asoro lo, lo ngba maseka si ade lo kpengba pepe. Andaa kua ni akono mingi, ngbanga ti so a yeke sara yangbo ni ndali ti zo pepe, me a yeke sara ni ndali ti *KOTA GBIA Nzapa.

2 Mbai 13:7

Agodobe na azo ti kirikiri abongbi na tere ti Yeroboam si ala hon ndö ti Roboam, molenge ti Salomon. Roboam angba lani maseka si lo de ti kpengba pepe, nilaa lo lingbi ti gbu le ni na ala pepe.

2 Mbai 2:4

Da so mbi ye ti sara so ayeke duti kota da, ngbanga ti so Nzapa ti e ayeke kota ahon anzapa kue.

2 Mbai 2:5

Me zo wa laa alingbi ti sara da ndali ti lo, so yayu so akono ahon ndoni alingbi na konongo ti lo pepe so? Mbi so, mbi yeke ti mbi zo wa ti sara da na lo? Mbi ye ti leke gi mbeni ndo titene a zö dukani daa na dawa ti lo.

2 Mbai 2:8

si ala yeke leke nga gba ti akeke na mbi, ngbanga ti so da so mbi ye ti sara so ayeke kono mingi si ayeke duti ye ti dongo be.

2 Mbai 7:21

Tongana mbeni zo ahon ande na tere ti kota da so azo agonda ni mingi so, fade li ti lo kue ayeke kpe si lo yeke hunda tere ti lo, lo tene: ‘KOTA GBIA asara na kodro so nga na kota da so tongaso ngbanga ti nyen’?

Esdras 3:12

Awayango-sandaga mingi, na azo ti mara ti Lévi nga na ambeni zo ti li ti asewa so aga mbakoro awe si ala baa ando kozo da ni so, ala toto mingi na vundu na ndembe so a yeke lu na gbe ti le ti ala, gere ti fini da ni. Me ambeni zo mingi ayeke dekongo na ngia.

Amato 4:3

Mbi nga, mbi yeke lani nzoni molenge ti babâ ti mbi; mama ti mbi aye mbi mingi tongana oko molenge.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Ésaïe 64:11

KOTA GBIA, na dawa ti aye so kue so, fade mo yeke ngba ti kanga be ti mo daa? Mo yeke duti kpoo, mo zia kamene na le ti e ngbii ahon ndoni?

Ezekiel 7:20

Ala sara baba ndali ti aye ti pendere ti ala. Ala mu aye ni, ala sara na angbongboro nzapa, afungo yanda ti ala so zo alingbi ti baa na le ti lo fani use pepe so. Ndani laa mbi yeke sara si aye ni so aga tongana zende na le ti ala.

Aggée 2:3

“Na popo ti ala, zo wa laa abaa ando mara ti pendere ti kota da ti KOTA GBIA ti kozoni so? Ti fadeso, ala yeke baa ni tongana nyen? Da ni ayeke fadeso ye oko na le ti ala pepe?

Aggée 2:9

Tongaso, fade gonda ti kota da so ayeke hon gonda ti kozo da ni. Na ndo so, mbi yeke sara titene siriri aduti daa; so tënë ti yanga ti KOTA GBIA so ayeke na ndö ti dunia kue laa.”

Nzoni Tënë so Luc asu na mbeti 21:5

Ambeni zo ayeke tene tënë ti kota da ti Nzapa si ala yeke gonda pendere ti atêne na anzoni ye so azo amu na Nzapa si a leke na da ni.

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 3:30

Alingbi lo ga kota si mbi ga ti mbi kete.”

Jean 9:4

Na ndembe so lâ angba ti su, ayeke nzoni e sara kua ti lo so lo tokua mbi. Ndo aga nduru ti vuko awe, fade zo alingbi ti sara kua mbeni pepe.