1 Mbai 22:19 - Mbeti ti Nzapa - Tënë so amu fini

¹⁹ Tongaso, ala mu be ti ala na fini ti ala kue ti gi KOTA GBIA Nzapa ti ala. Ala londo, ala sara da so a zia ni nde ndali ti KOTA GBIA Nzapa; fade ala yeke mu sanduku ti *mbuki ti KOTA GBIA na aye so a zia nde ndali ti Nzapa ti zia na ya ti da so ala sara ndali ti lo.”

1 Mbai 22:19 ပူးပေါင်းရင်းမြစ်များ

1 Agbia 5:3

abagara baleoko ti mafuta, abagara baleuse so ayeke te pere nga na ataba ngbangbo oko. Ambeni nyama ni ayeke: atagba, adengbe, alekpa na andeke ti kodro so ayeke na mafuta.

1 Agbia 8:21

Kâ, mbi leke mbeni ndo ndali ti sanduku so atêne so a su atënë ti *mbuki na le ni ayeke daa; mbuki so KOTA GBIA na akotara ti e asara ni na ngoi so lo sara si ala sigigi na sese ti Ezipte.”

1 Agbia 8:6

Na pekoni, awayango-sandaga aga na sanduku ti mbuki ti KOTA GBIA na ya ti kota da ti Nzapa, na ndo so ayeke nde si ayeke nzoni kue ahon atanga ni, na gbe ti *akpangi ti *asheruben.

1 Mbai 16:10

Ala so ayeke gi KOTA GBIA, ala pika kate ndali ti iri ti lo so ayeke nde si ayeke nzoni kue, ala duti na ngia!

1 Mbai 16:11

Ala gi KOTA GBIA, ala gi ngangu ti lo; ala gi le ti lo lakue.

1 Mbai 22:16

Ti lôro, ti wen ti nginza, ti bengba wen na wen, a lingbi ti diko ni pepe. Londo mo gbu kua; ayeke nzoni KOTA GBIA aduti na mo.”

1 Mbai 22:7

Lo tene na Salomon: “Molenge ti mbi, lani mbi leke na be ti mbi ti sara kota da ndali ti KOTA GBIA, Nzapa ti mbi.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 20:3

Mbeto agbu Yosafat si lo leke na be ti lo ti hunda *KOTA GBIA. Lo hunda na azo ti Juda kue titene ala ke kobe ti sambela.

2 Mbai 5:7

Na pekoni, awayango-sandaga aga na sanduku ti mbuki ti KOTA GBIA na ya ti kota da ti Nzapa, na ndo so ayeke nde si ayeke nzoni kue ahon atanga ni, na gbe ti *akpangi ti *asheruben.

2 Mbai 6:11

Mbi zia na ya ti da ni sanduku so atêne so a su atënë ti *mbuki na le ni, mbuki so KOTA GBIA na azo ti Israel asara.”

Abia (Psaumes) 119:2

Ti ala nzoni, azo so asara aye so lo hunda na ala si ala mu be ti ala kue ti gi lo!

Abia (Psaumes) 14:2

Kâ na yayu, *KOTA GBIA aba tere ti lo na mbage ti azo ti sese ti baa ndo, ti gi zo so li ti lo ayeke daa, zo so ayeke gi Nzapa.

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Sigingo 25:8

Fade azo ti Israel ayeke sara mbeni da so ayeke nde si ayeke nzoni kue ndali ti mbi titene mbi duti na popo ti ala.

Ésaïe 60:1

Jérusalem, londo! Mo za tongana lumiere, ngbanga ti so lumiere ti mo ayeke ga, gonda ti *KOTA GBIA ayeke za na ndö ti mo.

Jérémie 29:13

Fade ala yeke gi mbi si ala yeke wara mbi. Tongana ala gi mbi na be ti ala kue,

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Aggée 1:5

Tënë so KOTA GBIA so ayeke na ndö ti dunia kue atene ayeke so: Fadeso, ala gbu li ti ala nzoni na ndö ti aye so ayeke si na ala.

Aggée 1:8

KOTA GBIA atene: “Ala gue na ndö ti hoto, ala de akeke aga na ni, ala sara na kota da ti mbi. Tongaso fade be ti mbi ayeke nzere si azo abaa nengo ti mbi.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 22:16

Nyen laa mo yeke ku fadeso? Londo, mo wara bateme, Nzapa azi siokpari ti mo na lege so mo di iri ti lo.’ ”

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.