1 Mbai 22:18 - Mbeti ti Nzapa - Tënë so amu fini

¹⁸ “KOTA GBIA Nzapa ti ala ayeke na ala pepe? Lo sara si ala duti kpoo mbage na mbage kue pepe? Biani, lo zia azo so alango kozoni na kodro ni na gbe ti mbi si kodro ni ayeke na gbe ti KOTA GBIA nga na gbe ti azo ti lo.

1 Mbai 22:18 ပူးပေါင်းရင်းမြစ်များ

2 Samuel 7:1

So gbia David aduti na yangbo ti lo awe si *KOTA GBIA azi lo na maboko ti awato ti lo so angoro kodro ti lo si lo duti kpoo,

1 Mbai 22:9

Fade mo yeke du molenge-koli: lo yeke zo so ayeke duti kpoo; mbi yeke sara titene awato so angoro lo azia lo kpoo. Iri ti lo ayeke duti ande Salomon; mbi yeke sara titene azo ti Israel aduti na siriri si kodro ni aduti kpoo na ngoi so kue lo yeke na fini.

1 Mbai 23:25

Biani, David atene lani, atene: “KOTA GBIA, Nzapa ti Israel asara si azo ti lo aduti kpoo; lo wani, lo yeke duti na Jérusalem kpu na kpu.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Ndia ti fani use ni 20:4

Biani, KOTA GBIA Nzapa ti ala ayeke tambula legeoko na ala, lo yeke tiri bira na awato ti ala ndali ti ala ti sara si ala, azo ti Israel, ala so benda.”

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

Josué 22:4

Fadeso, KOTA GBIA, Nzapa ti ala, amu lege na a-ita ti ala ni ti wu tere tongana ti so lo mu lani zendo ni na ala. Ala lingbi ti kiri na ndo ti ala, na sese so Moïse, zo ti kua ti KOTA GBIA, amu na ala titene aga ti ala na To ti ngu ti Jourdain.

Josué 23:1

Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.