1 Mbai 22:16 - Mbeti ti Nzapa - Tënë so amu fini

¹⁶ Ti lôro, ti wen ti nginza, ti bengba wen na wen, a lingbi ti diko ni pepe. Londo mo gbu kua; ayeke nzoni KOTA GBIA aduti na mo.”

1 Mbai 22:16 ပူးပေါင်းရင်းမြစ်များ

1 Agbia 2:2

“Mbi ga nduru ti zia sese so awe. Mo gbu ngangu, mo sara ye ti koli!

1 Agbia 7:47

Na pekoni, Salomon azia aye so kue na ya ti kota da ti KOTA GBIA. Aye so a leke ni so ayeke gbani gbani, asara si lege ti hinga nengo ti abengba wen ni ayeke daa oko pepe.

1 Mbai 22:11

Ti fadeso, molenge ti mbi, ayeke nzoni KOTA GBIA aduti na mo si kua ti kota da ni atambula nzoni alingbi na tënë so lo tene ndali ti mo.

1 Mbai 22:14

Mbi baa pasi mingi ti bongbi aye so ndali ti kua ti da ti KOTA GBIA: kilo kutu ota ti lôro, kilo kutu baleota ti wen ti nginza, bengba wen na wen so zo alingbi ti diko ni pepe. Mbi bongbi nga akeke na atêne. Mo lingbi ti zia ambeni ye na ndö ni.

1 Mbai 22:15

Azo ti kua mingi ayeke na tere ti mo: ala so ayeke de tere ti atêne, ala so ayeke de nzoroko na tere ti atêne nga na tere ti akeke, ala so ahinga kode ti akua nde nde.

1 Mbai 22:3

David amu gba ti wen titene a leke na apondi nga na *akongi ndali ti da ni; lo bongbi gba ti bengba wen so zo alingbi ti diko ni pepe.

1 Mbai 28:10

Mo baa fadeso, KOTA GBIA asoro mo titene mo sara da so a yeke zia ni nde ndali ti lo. Ayeke nzoni mo gbu ngangu, mo sara ye!”

1 Mbai 29:2

Mbi mu ngangu ti mbi kue ti leke aye ndali ti kota da ti Nzapa ti mbi: mbi bongbi lôro ndali ti aye so a yeke sara ni na lôro, wen ti nginza ndali ti aye so a yeke sara ni na wen ti nginza, bengba wen ndali ti aye so a yeke sara ni na bengba wen, wen ndali ti aye so a yeke sara ni na wen nga na keke ndali ti aye so a yeke sara ni na keke. Mbi mu nga atêne ti kornaline na atêne so a yeke zia na tere ti aye titene apendere, avuko têne na atêne so nzoroko ni ayeke nde nde, amara ti atêne nde nde kue ti ngangu ngere nga na gba ti apendere têne ti sarango na da.

2 Mbai 1:1

Salomon, molenge ti David asara si lengo-gbia ti lo akpengba; *KOTA GBIA Nzapa ti lo ayeke na lo si amu nengo na lo mingi.

2 Mbai 20:17

Tiringo bira ni ayeke ti ala pepe. Ala, azo ti Juda na ti Jérusalem, ala gue kâ, ala luti kpoo, ala kue ayeke baa lege so KOTA GBIA ayeke soo ande ala na kuâ. Ala sara mbeto pepe, ala zia mbeni ye azia mbeto na be ti ala pepe. Kekereke, ala gue na mbage ti awato ni; fade KOTA GBIA ayeke na ala.’ ”

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Josué 1:2

“Moïse, zo ti kua ti mbi akui awe. Londo fadeso, mo fâ ngu ti Jourdain, mo na azo ti Israel kue titene ala li na ya ti kodro so mbi mu na ala.

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 7:10

KOTA GBIA atene na Josué: “Londo! Ngbanga ti nyen si mo ti, mo kpo li ti mo na sese?

Awafango-ngbanga 4:14

Debora atene na Barak: “Londo! Baa, lango so KOTA GBIA aleke titene Sisra ati na maboko ti mo alingbi awe! KOTA GBIA wani laa ayeke tambula na dawa ti mo.” Barak alondo na li ti hoto ti Tabor si lo zu, lo na aturugu saki baleoko so ayeke na peko ti lo.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”

1 Samuel 20:13

Me tongana babâ ti mbi aleke na be ti lo ti sara sioni na mo si mbi tene tënë ni na mo pepe, ayeke nzoni KOTA GBIA asara ye ti ngangu mingi na mbi! Fade mbi yeke zia lege na mo ti gue senge. Mbi sambela titene KOTA GBIA aduti na mo tongana ti so lo duti lani na babâ ti mbi so.