1 Mbai 22:14 - Mbeti ti Nzapa - Tënë so amu fini

¹⁴ Mbi baa pasi mingi ti bongbi aye so ndali ti kua ti da ti KOTA GBIA: kilo kutu ota ti lôro, kilo kutu baleota ti wen ti nginza, bengba wen na wen so zo alingbi ti diko ni pepe. Mbi bongbi nga akeke na atêne. Mo lingbi ti zia ambeni ye na ndö ni.

1 Mbai 22:14 ပူးပေါင်းရင်းမြစ်များ

1 Agbia 10:14

Nengo ti lôro so Salomon ayeke wara na ya ti ngu oko oko ayeke kilo saki baleuse.

1 Agbia 7:47

Na pekoni, Salomon azia aye so kue na ya ti kota da ti KOTA GBIA. Aye so a leke ni so ayeke gbani gbani, asara si lege ti hinga nengo ti abengba wen ni ayeke daa oko pepe.

2 Agbia 25:16

Ayongoro gere ti da use, ngbongboro sembe na akete pusu so Salomon asara na bengba wen ndali ti kota da ti KOTA GBIA, zo alingbi ti hinga nengo ti abengba wen ni pepe.

1 Mbai 22:15

Azo ti kua mingi ayeke na tere ti mo: ala so ayeke de tere ti atêne, ala so ayeke de nzoroko na tere ti atêne nga na tere ti akeke, ala so ahinga kode ti akua nde nde.

1 Mbai 22:3

David amu gba ti wen titene a leke na apondi nga na *akongi ndali ti da ni; lo bongbi gba ti bengba wen so zo alingbi ti diko ni pepe.

1 Mbai 29:2

Mbi mu ngangu ti mbi kue ti leke aye ndali ti kota da ti Nzapa ti mbi: mbi bongbi lôro ndali ti aye so a yeke sara ni na lôro, wen ti nginza ndali ti aye so a yeke sara ni na wen ti nginza, bengba wen ndali ti aye so a yeke sara ni na bengba wen, wen ndali ti aye so a yeke sara ni na wen nga na keke ndali ti aye so a yeke sara ni na keke. Mbi mu nga atêne ti kornaline na atêne so a yeke zia na tere ti aye titene apendere, avuko têne na atêne so nzoroko ni ayeke nde nde, amara ti atêne nde nde kue ti ngangu ngere nga na gba ti apendere têne ti sarango na da.

Jérémie 52:20

Ayongoro gere ti da use, ngbongboro sembe na abagara baleoko na use so ayeke yo ni nga na akete pusu so Salomon asara na bengba wen ndali ti kota da ti KOTA GBIA, zo alingbi ti hinga nengo ti abengba wen ni pepe.

Wungo ti azo 7:85

Nengo ti kpangbara sembe oko ayeke grame 1 300, nengo ti du ti sembe oko ayeke grame 700, nengo ti wen ti nginza so kue ala sara na asembe ni so ayeke kilo 24 alingbi na kilo so a yeke haka ka na ye na ndo so a zia nde ndali ti Nzapa.

2 Korente 8:2

A-Eglize ni ayeke na ya ti pasi mingi, me be ti azo ni asi singo na ngia; ataa so ala yeke na ya ti kota mawa, ala mu ye ahon ndoni.