1 Mbai 22:13 - Mbeti ti Nzapa - Tënë so amu fini

¹³ Tongana mo sara ye na lege ti aye so ndia afa nga na lege ti ambela ti KOTA GBIA so lo mu na Moïse ndali ti azo ti Israel, fade aye ti mo kue ayeke ga nzoni. Gbu ngangu, mo sara ye ti koli, zia mbeto asara mo pepe, zia mbeto ahon ndö ti mo pepe.

1 Mbai 22:13 ပူးပေါင်းရင်းမြစ်များ

1 Agbia 2:2

“Mbi ga nduru ti zia sese so awe. Mo gbu ngangu, mo sara ye ti koli!

1 Agbia 2:3

Sara ye alingbi na yanga so *KOTA GBIA, Nzapa ti mo amu; bata andia ti lo, ambela ti lo, atënë ti yanga ti lo nga na aye so lo fa si ayeke na ya ti mbeti ti *Ndia ti Moïse. Tongaso si aye so kue mo yeke sara, wala aye so mo ye ti sara, fade ayeke ga nzoni.

1 Mbai 28:10

Mo baa fadeso, KOTA GBIA asoro mo titene mo sara da so a yeke zia ni nde ndali ti lo. Ayeke nzoni mo gbu ngangu, mo sara ye!”

1 Mbai 28:20

Na pekoni, David atene na molenge ti lo Salomon: “Gbu ngangu, sara ye ti koli, mo sara ye! Zia mbeto asara mo pepe, zia mbeto ahon ndö ti mo pepe! Fade KOTA GBIA, Nzapa ti mbi ayeke na mo, lo yeke girisa mo pepe, lo yeke zia mo pepe, ngbii kua ti kota da ti KOTA GBIA ahunzi.

1 Mbai 28:7

Fade mbi yeke sara titene lengo-gbia ti lo akpengba kpu na kpu, tongana lo bata andia na ambela ti mbi tongana ti so lo yeke sara laso so’.

2 Mbai 14:6

Lo tene na azo ti Juda: “E sara angangu gbagba na tere ti agbata so, e sara agbagba na tere ni, e sara akota da so ayo na nduzu, e zia angbongboro wen na yanga ni ti kanga na ni; e sara ni na ndembe so kodro ni ade ti e so. Biani, e gi KOTA GBIA, Nzapa ti e; nilaa lo sara si e duti kpoo mbage na mbage kue so.” Tongaso ala sara agbata si aye ti ala aga nzoni.

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

2 Mbai 26:5

Na ngoi so kue Zakarii angba na fini, lo so lo yeke ma ya ti ye so Nzapa afa na lo na ya ti mbeni ye tongana bango-li, lo fa na Ozias lege ti kpengo mbeto ti *KOTA GBIA Nzapa; Nzapa asara si aye ti Ozias aga nzoni.

2 Mbai 32:7

“Ala gbu ngangu, ala kanga be ti ala! Ala sara mbeto pepe, ala do na mbeto pepe na dawa ti gbia ti Asirii na gba ti azo so amu peko ti lo so. Biani, ngangu so ayeke na e ayeke mingi ahon ti lo.

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Abia (Psaumes) 119:6

Tongaso, fade kamene ayeke sara mbi pepe tongana mbi baa atënë ti ndia ti mo kue.

Abia (Psaumes) 72:1

Bia ti Salomon. Nzapa, mu ngangu na gbia ti fâ ngbanga tongana mo; mu mbirimbiri ti mo na gbia ni, molenge ti gbia;

Aggée 2:4

Ti fadeso, Zorobabel, gbu ngangu! So tënë ti yanga ti KOTA GBIA laa. Yeshua, kota wayango-sandaga, molenge ti Yosadak, gbu ngangu! Ala azo ti kodro ni kue, ala gbu ngangu! So tënë ti yanga ti KOTA GBIA laa. Ala kue alondo, asara kua! Biani, mbi yeke na ala! So tënë ti yanga ti KOTA GBIA so ayeke na ndö ti dunia kue laa.

Zakarii 8:9

Tënë so KOTA GBIA so ayeke na ndö ti dunia kue atene ayeke so: “Ala gbu ngangu! Ala ma fadeso atënë so awayanga-Nzapa atene na ngoi so a yeke zia agere ti kota da ti KOTA GBIA titene akiri asara da ni.

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Awatokua 13:22

So Nzapa azi lo awe, lo mu David, lo zia lo gbia na ndö ti ala. Nzapa atene tënë ti lo, atene: ‘Mbi wara David, molenge ti Yese, zo so be ti mbi aye lo, fade lo yeke sara aye so kue be ti mbi aye.’

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

2 Timothée 2:1

Ti mo, molenge ti mbi, mo kpengba na ya ti nzoni be so Nzapa asara na e na lege so e ga oko na Jésus Christ.

Jacques 2:8

Biani, ndia ti *Kodro-gbia ti Nzapa so Mbeti ti Nzapa atene tënë ni, atene: “Mo ye mba ti mo zo tongana ti so mo ye tere ti mo wani”, tongana ala sara ye alingbi na ni, so ayeke nzoni.

Josué 1:18

Zo so kue ayeke londo ti ke yanga ti mo si lo ma atënë ti mo pepe, fade a yeke fâ lo. Ti mo, gbu ngangu, mo sara ye ti koli!”