1 Mbai 21:9 - Mbeti ti Nzapa - Tënë so amu fini

⁹ KOTA GBIA atene na Gad, zo ti bango nda ti aye na David, atene:

1 Mbai 21:9 ပူးပေါင်းရင်းမြစ်များ

2 Samuel 24:11

Na ndaperere, so David alondo, andaa tënë ti KOTA GBIA asi na wayanga-Nzapa Gad awe, zo ti bango nda ti aye na David; tënë ni atene:

1 Mbai 21:10

“Gue mo tene na David, mo tene: ‘Tënë so KOTA GBIA atene ayeke so: Mbi zia na dawa ti mo aye ota; soro oko na popo ni, fade mbi yeke sara ni na mo.’ ”

1 Mbai 25:5

Ala so kue ayeke amolenge ti Heman, zo ti bango nda ti aye na gbia si lo yeke fa ngangu ti lo. Nzapa amu na Heman amolenge-koli baleoko na osio na amolenge-wali ota.

1 Mbai 29:29

Atënë na ndö ti gbia David, na tongo nda ni ngbii asi na ndani, a su na ya ti abuku ti ambai ti awayanga-Nzapa Samuel, Natan na Gad.

2 Mbai 29:25

Gbia azia azo ti mara ti Lévi na ya ti kota da ti KOTA GBIA; awen so ayeke toto, akota kundi, na akundi ayeke na maboko ti ala. Lo sara ye ni alingbi na yanga so David, Gad, zo ti bango nda ti aye ti gbia, nga na Natan, wayanga-Nzapa amu. Andaa KOTA GBIA wani laa amu yanga so na lege ti awayanga ti lo.

1 Samuel 22:5

Wayanga-Nzapa Gad atene na David: “Ngba ti honde tere ti mo na ndo so pepe. Sigigi mo gue na sese ti Juda.” Nilaa David alondo ague na ya ti gbako ti Heret.

1 Samuel 9:9

Ando na kodro ti Israel, tongana azo aye ti gue ti hunda mbeni ye na Nzapa, ala yeke tene: “Ala ga, e gue, e baa zo ti bango nda ti aye.” Biani, zo so azo ayeke iri lo fadeso wayanga-Nzapa, ando ala yeke iri lo “zo ti bango nda ti aye.”