1 Mbai 21:7 - Mbeti ti Nzapa - Tënë so amu fini

⁷ Ye so David asara so anzere na Nzapa pepe si lo pika azo ti Israel.

1 Mbai 21:7 ပူးပေါင်းရင်းမြစ်များ

2 Samuel 11:27

Me so lango ti sarango mua ni ahunzi awe, David atokua titene a ga na Batsheba si lo zia lo na da ti lo. Lo ga wali ti lo si lo du molenge-koli na lo. Me ye so David asara so anzere na KOTA GBIA pepe.

2 Samuel 15:26

Me tongana KOTA GBIA aye tënë ti mbi pepe, ayeke nzoni lo sara na mbi tongana ti so be ti lo aye.”

2 Samuel 21:1

Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

2 Samuel 21:14

A lu abio ti ala, ti Saul na ti Jonatan na du ti kuâ ti Kish, babâ ti Saul na kodro ti Sela, na sese ti Benjamin. Na peko ti so azo asara ye so kue gbia amu yanga daa, Nzapa abaa mawa ti kodro ni.

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

1 Agbia 15:5

Biani, David asara ando ye so ayeke mbirimbiri na le ti KOTA GBIA. Na lango so kue lo ngba na fini, aye so kue KOTA GBIA amu yanga na lo ti sarango ni, lo ke ti sara ni laoko pepe. Me sioni ye oko so lo sara ni ayeke tënë ti Urii, zo ti mara ti Het.

1 Mbai 21:14

Tongaso, KOTA GBIA atokua sioni kobela ti bubango kodro na ya ti kodro ti Israel; azo ti Israel 70 000 akui.

1 Mbai 21:6

Yoab adiko wungo ti azo ti mara ti Lévi na ti Benjamin na popo ti azo ni pepe, ngbanga ti so yanga so gbia amu ayeke sioni mingi na le ti Yoab.

1 Mbai 21:8

David atene na Nzapa: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, mo zi siokpari so na li ti mbi, zo ti kua ti mo.”

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

Josué 7:13

Londo, mo leke azo ni titene ala zia tere ti ala nde ndali ti Nzapa. Fade mo tene na ala: ‘Ala zia tere ti ala nde ndali ti Nzapa ti ku na lango ti kekereke. Biani, tënë so KOTA GBIA, Nzapa ti Israel atene ayeke so: Aye so mbi ke na ala ti mu so ayeke na popo ti ala. Ala lingbi ti gbu le ni na awato ti ala pepe, ngbii ala zi aye ni na popo ti ala si.

Josué 7:5

Azo ti Ai afâ azo nduru na baleota na omene na popo ti azo ti Israel. Ti londo na yanga ti gbagba ti gbata ni, ala tumba tanga ti azo ni ngbii asi na Shebarim. Ala fâ ala na ndembe so ala zu hoto. Ngangu ti azo ti Israel ahunzi si ala woko kue.