1 Mbai 21:30 - Mbeti ti Nzapa - Tënë so amu fini

³⁰ Me lege titene David ague kâ ti hunda Nzapa ayeke daa pepe, ngbanga ti so mbeto ti yongoro zeme ti ange ti KOTA GBIA agbu lo mingi.

1 Mbai 21:30 ပူးပေါင်းရင်းမြစ်များ

2 Samuel 6:9

Na lango ni so mbeto ti KOTA GBIA asara David, lo tene: “Sanduku ti KOTA GBIA alingbi ti ga na ndo ti mbi tongana nyen?”

1 Mbai 13:12

Na lango ni so mbeto ti Nzapa asara David, lo tene: “Mbi lingbi ti ga na sanduku ti mbuki ti Nzapa na ndo ti mbi tongana nyen?”

1 Mbai 21:16

David ayo le ti lo na nduzu si lo baa ange ti KOTA GBIA so ayeke luti na popo ti yayu na sese. Ange ni agbu na maboko ti lo yongoro zeme so a zi na ya ti bozo ni, lo yoro ni na mbage ti Jérusalem. David na *akangba ayu bongo ti mua, ala ti akpo li ti ala na sese.

1 Mbai 21:29

Na ngoi ni so, da ti Nzapa so Moïse asara lani na benyama nga na gbalaka so a yeke gbi asandaga na ndö ni so angba na ndo so azo ayeke voro Nzapa daa na hoto ti Gabaon.

1 Mbai 22:1

Nilaa David atene: “Ndo so laa da ti KOTA GBIA Nzapa ayeke daa si ndo so nga laa gbalaka so azo ti Israel alingbi ti mu asandaga na ndö ni na Nzapa laa.”

Mbeti ti Job 13:21

Kozoni, zi maboko ti mo so ane na ndö ti mbi; kiri mo zia kota mbeto na be ti mbi pepe.

Mbeti ti Job 21:6

Tongana mbi dabe ti mbi na ye so asi na mbi, mbeto ayeke sara mbi si tere ti mbi ayeke do dongo.

Mbeti ti Job 23:15

Baa ye so asara si mbeto asara mbi na dawa ti Nzapa laa. Tongana mbi ngba ti gbu li ti mbi, mbeto ti lo akiri asara mbi ahon ndoni.

Abia (Psaumes) 119:120

Tere ti mbi kue ayeke do na mbeto na dawa ti mo, mbeto ti atënë ti fango ngbanga ti mo asara mbi.

Abia (Psaumes) 90:11

Zo wa laa alingbi ti hinga ngangu ti ngonzo ti mo? Zo so akpe mbeto ti mo laa ahinga ngonzo ti mo nzoni mingi!

Jérémie 10:7

Mo so mo yeke gbia ti amara kue, zo wa laa alingbi ti kpe mbeto ti mo pepe? So laa alingbi titene azo asara na mo. Na popo ti azo ti ndara ti dunia so nga na ya ti akodro-gbia kue, mbeni zo tongana mo ayeke daa pepe.

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Ndia ti fani use ni 10:12

Moïse atene: Ala azo ti Israel, ye so *KOTA GBIA Nzapa ti ala ayeke ku na mbage ti ala fadeso ayeke nyen? Lo yeke ku gi titene ala kpe mbeto ti lo, ala sara ye so kue lo ye, ala ye lo si ala sara kua na lo na be ti ala kue, na yingo ti ala kue.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”