1 Mbai 21:3 - Mbeti ti Nzapa - Tënë so amu fini

³ Yoab akiri tënë: “Ayeke nzoni *KOTA GBIA asara titene azo ti lo awu fani ngbangbo oko ahon so! Gbia ti mbi, ala kue ayeke azo ti kua ti mo pepe? Gbia, mo gi ti hinga ye so ngbanga ti nyen? Ngbanga ti nyen laa ye tongaso ayeke sara fade titene tënë aga na li ti azo ti Israel?”

1 Mbai 21:3 ပူးပေါင်းရင်းမြစ်များ

Tongo nda ti aye 20:9

Na pekoni, Abimelek airi Abraham si atene na lo: “Nyen laa mo sara na e tongaso? Sioni ti nyen laa mbi sara na mo si mo mu mbi na azo ti kodro ti mbi, mo zia e na lege ti sara kota siokpari tongaso? Ye so mo sara na mbi so, ayeke ye so azo ayeke sara ka ni pepe.”

1 Agbia 14:16

KOTA GBIA ayeke do azo ti Israel ti zia, ngbanga ti so Yeroboam asara siokpari si lo pusu nga azo ti Israel ti sara siokpari.”

2 Agbia 12:7

Me na ngu baleuse na ota ni so Yoas ayeke le-gbia, aye so abuba na tere ti kota da ti KOTA GBIA, awayango-sandaga ade ti leke ni pepe.

1 Mbai 19:13

Mo gbu ngangu, e sara ye ti koli ndali ti azo ti e nga ndali ti agbata ti Nzapa ti e. Ayeke nzoni *KOTA GBIA asara ye so be ti lo aye.”

1 Mbai 21:4

Me yanga so gbia amu na Yoab, lo ngba gi na ndö ni; nilaa Yoab alondo atambula na ya ti kodro ti Israel kue; na pekoni, lo kiri na Jérusalem.

Abia (Psaumes) 115:14

Ayeke nzoni KOTA GBIA asara si ala wu mingi, ala na amolenge ti ala kue!

Sigingo 30:12

“Na ndembe so mo yeke diko wungo ti azo ti Israel, fade zo oko oko ayeke futa mbeni ye na mbi KOTA GBIA ti bata fini ti lo. Tongaso, fade mbeni kpale oko ayeke si na ala pepe na ndembe ti dikongo wungo ti azo ni.

Sigingo 32:21

Na pekoni, Moïse ahunda Aaron, atene: “Azo so asara nyen na mo si mo yoro ala na ya ti kota siokpari tongaso?”

Amato 14:28

Iri ti gbia ti mbeni kodro ayeke gue na nduzu tongana azo ti kodro ti lo ayeke gbani gbani; kodro so azo ayeke daa pepe, gbia ni ati awe.

Ésaïe 26:15

KOTA GBIA, mo sara si mara ti e awu mingi, mo fa gonda ti mo; mo sara si mara ti e awu mingi, mo sara ya ti kodro ti e akono na mbage kue.

Ésaïe 48:19

Ka *ahale ti mo ayeke ga tongana mbutu ti yanga ti kota ngu-ingo, ka amolenge ti ya ti mo ayeke ga tongana le ti mbutu; na dawa ti mbi, ka a zi iri ti ala pepe, a mingo iri ti ala pepe.”

Ndia ti fani use ni 1:11

Ayeke nzoni KOTA GBIA, Nzapa ti akotara ti ala asara titene ala kiri awu gbani gbani fani saki oko ahon ti so. Ayeke nzoni lo sara tufa na ndö ti ala tongana ti so lo mu zendo ni na ala.

Josué 22:15

Ala gue na sese ti Galaad, na mbage ti azo ti mara ti Ruben, ti Gad na ti ndambo ti mara ti Manase si ala tene na ala, atene:

1 Samuel 2:24

Amolenge ti mbi, ala zia lege ti sarango ye tongaso. Tënë so mbi ma azo ti KOTA GBIA ayeke tene na iri ti ala so ayeke nzoni pepe.