1 Mbai 21:2 - Mbeti ti Nzapa - Tënë so amu fini

² David atene na Yoab nga na amakonzi ti aturugu, atene: “Ala gue, adiko azo ti Israel, ti londo na Bersheba ngbii asi na Dan. Na pekoni, ala ga afa peko ni na mbi si mbi lingbi ti hinga wungo ti ala.”

1 Mbai 21:2 ပူးပေါင်းရင်းမြစ်များ

Tongo nda ti aye 21:14

Na ndaperere so ndo angba kâ, Abraham alondo, lo mu mapa na bozo ti poro so ngu ayeke na ya ni, lo mu na Agar; lo zia ni na ndö ti go ti lo. Lo mu molenge ni na lo si lo tene na lo atene, lo gue. Agar ague si lo yeke tambula kirikiri na ya ti benyama ti Bersheba.

2 Samuel 17:11

Ti mbi, wango so mbi ye ti mu ayeke so: ayeke nzoni mo bongbi aturugu kue ti Israel na tere ti mo, ti londo na Dan ngbii asi na Bersheba. Alingbi wungo ti ala aduti tongana wungo ti mbutu ti yanga ti kota ngu-ingo. Na pekoni, mo wani, mo duti na li ti ala ti gue na bira ni.

2 Samuel 24:15

Tongaso, KOTA GBIA atokua sioni kobela ti bubango kodro na ya ti kodro ti Israel, ti londo na ndaperere ngbii asi na lango ni so a fa. Ti londo na Dan ngbii asi na Bersheba, azo ti kodro 70 000 akui.

2 Samuel 3:10

KOTA GBIA adeba yanga ti lo atene, fade lo yeke zi kua ti gbia na maboko ti azo ti sewa ti Saul si lo yeke zia David titene lo duti gbia na ndö ti Israel nga na ndö ti Juda, ti londo na Dan ngbii asi na Bersheba.”

2 Mbai 30:5

Tongaso ala yeda ti tokua azo ti to mbela na ya ti kodro ti Israel kue, ti londo na Bersheba ngbii asi na Dan ti iri azo ti ga na Jérusalem ti sara matanga ti Pake ndali ti KOTA GBIA, Nzapa ti Israel. Biani, kozo titene azo asara matanga na ngu ni so, gi azo kete laa asara matanga ni alingbi na andia ni so a su na mbeti.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

2 Korente 12:7

Aye so Nzapa afa na mbi si mbi baa ni so ayeke aye ti ndima. Titene mbi gonda tere ti mbi ndali ti aye ni pepe, Nzapa azia mbeni ye tongana ki na ya ti tere ti mbi: ki ni ayeke tongana mbeni zo so Satan atokua lo ti pika mbi si mbi gonda tere ti mbi pepe.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.

1 Samuel 3:20

Nilaa, ti londo na sese ti Dan ngbii asi na kodro ti Bersheba, azo ti Israel kue ahinga atene, Samuel aga fadeso wayanga-Nzapa awe.