1 Mbai 21:16 - Mbeti ti Nzapa - Tënë so amu fini

¹⁶ David ayo le ti lo na nduzu si lo baa ange ti KOTA GBIA so ayeke luti na popo ti yayu na sese. Ange ni agbu na maboko ti lo yongoro zeme so a zi na ya ti bozo ni, lo yoro ni na mbage ti Jérusalem. David na *akangba ayu bongo ti mua, ala ti akpo li ti ala na sese.

1 Mbai 21:16 ပူးပေါင်းရင်းမြစ်များ

Tongo nda ti aye 3:24

So KOTA GBIA Nzapa atumba zo na ya ti yaka ni awe, lo zia *asheruben na mbage ti To ti yaka ni. Asheruben ni ayeke na yongoro zeme so le ni ayeke za zango si ayeke turne mbage na mbage ti kanga lege na zo ti gue na tere ti keke so ayeke mu fini na zo.

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

2 Agbia 19:1

So gbia Ezekias ama ala awe, lo suru bongo na tere ti lo, lo yu bongo ti mua si lo gue na ya ti kota da ti *KOTA GBIA.

2 Agbia 6:17

Na pekoni, Élisée asambela, atene: “*KOTA GBIA, zi le ti zo ti kua ti mbi si lo lingbi ti baa ndo!” KOTA GBIA azi le ti zo ti kua ni si lo baa ambarata na apusu ti mbarata so aza wâ; ala si singo na li ti hoto si ala ngoro tere ti Élisée kue.

Ezekiel 30:25

Biani, mbi yeke sara si maboko ti gbia ti Babilone awara ngangu, me maboko ti Faraon ayeke woko wokongo. Mbi yeke zia yongoro zeme ti mbi na maboko ti gbia ti Babilone si lo yeke yoro ni na tere ti Ezipte; tongaso, fade azo ayeke hinga atene, mbi laa mbi yeke KOTA GBIA.

Ezekiel 9:8

Na ndembe so ala yeke fâ azo ti gue na ni, mbi ngba gi mbi oko. Mbi ti, mbi kpo li ti mbi na sese si mbi dekongo, mbi tene: “Ae, Kota Gbia NZAPA! So mo yeke de ngonzo ti mo ti wâ tongaso na ndö ti Jérusalem so, mo ye ti fâ tanga ti azo ti Israel kue ti hunzi ala?”

Wungo ti azo 14:5

Moïse na Aaron ati akpo li ti ala na sese na dawa ti bongbi ti azo ti Israel ni kue.

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Wungo ti azo 22:23

Mama ti lele ni abaa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Mama ti lele ni azia lege si lo fâ na ya ti ayaka ti hon. Balaam apika lo ti kiri lo na ndö ti lege.

Wungo ti azo 22:31

Tongaso KOTA GBIA azi le ti Balaam si lo baa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Balaam akuku akpo li ti lo na sese.

Awafango-ngbanga 13:20

menga ti wâ alondo na ndö ti gbalaka so a zia sandaga ni daa so ague na nduzu. Ange ti KOTA GBIA ayeke hon na nduzu na ya ti menga ti wâ ni. So Manoa na wali ti lo abaa ye ni tongaso, ala ti akpo li ti ala na sese.