1 Mbai 21:14 - Mbeti ti Nzapa - Tënë so amu fini

¹⁴ Tongaso, KOTA GBIA atokua sioni kobela ti bubango kodro na ya ti kodro ti Israel; azo ti Israel 70 000 akui.

1 Mbai 21:14 ပူးပေါင်းရင်းမြစ်များ

2 Samuel 24:15

Tongaso, KOTA GBIA atokua sioni kobela ti bubango kodro na ya ti kodro ti Israel, ti londo na ndaperere ngbii asi na lango ni so a fa. Ti londo na Dan ngbii asi na Bersheba, azo ti kodro 70 000 akui.

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

1 Mbai 27:24

Yoab, so iri ti mama ti lo ayeke Seruya ato nda ti diko wungo ti azo ni lani awe; me lo hunzi dikongo ala pepe, ngbanga ti so ngonzo ti Nzapa alondo na ndö ti azo ti Israel. Ndani laa a fa wungo ti azo ni pepe na ya ti “Mbeti ti aye so gbia David asara.”

Sigingo 12:30

Na bi ni so, gbia Faraon alondo, lo na azo ti gbe ti lo kue nga na azo ti Ezipte kue; kota dekongo amu ya ti kodro ni kue, ngbanga ti so mbeni da oko ayeke daa pepe so kuâ akui daa pepe.

Wungo ti azo 25:9

Andaa azo so akui na kobela ti bubango kodro ni, wungo ti ala ayeke saki baleuse na osio.

1 Samuel 6:19

KOTA GBIA afâ azo ti Bet-Shemesh balembarambara na popo ti azo saki baleoku, ngbanga ti so ala baa sanduku ti mbuki ti KOTA GBIA. Azo ti gbata ni ayeke na ya ti kota mawa, ngbanga ti so KOTA GBIA asara ngangu na ala mingi.