1 Mbai 21:13 - Mbeti ti Nzapa - Tënë so amu fini13 David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia mbi ti na maboko ti KOTA GBIA, ngbanga ti so nzoni be ti lo ayeke kota mingi; me mbi ye ti ti na maboko ti azo pepe.” အခန်းကိုကြည့်ပါ။ |
1 Mbai 21:13
31 ပူးပေါင်းရင်းမြစ်များ
Tongana e tene: ‘E li na ya ti gbata ni’, fade e yeke kui kâ, ngbanga ti so kota nzara ati na ya ti gbata ni. Tongana e ngba na ndo so, fade e yeke kui nga kuingo. Tongaso, ayeke nzoni e londo, e gue na ya ti bâbâ ti azo ti Sirii. Tongana ala ye ti fâ e, ala fâ e! Tongana ala ye titene e ngba na fini, fade e ngba na fini!”
Na Samarii, mbeni wayanga ti KOTA GBIA ayeke daa, iri ti lo Oded. Lo gue ti wara tere na aturugu ti Israel so alondo na Samarii ti kiri; lo tene na ala: “KOTA GBIA, Nzapa ti akotara ti ala asara ngonzo na tere ti azo ti Juda. Nilaa lo zia azo ti Juda ni na maboko ti ala si ala fâ azo ti Juda ni na sioni ngonzo so tënë ni ague ngbii asi na yayu.
“Azo ti kua ti gbia kue nga na azo ti akodro-sese oko oko ti gbia kue, ataa koli wala wali ahinga atene, gi ndia oko laa ayeke daa: zo so gbia airi lo pepe si zo ni ague nduru na tere ti gbia na ndo so lo yeke duti ka daa na ya ti yangbo ti lo, gi kuâ laa zo ni ayeke wara. Zo so ayeke ngba na fini ayeke gi zo so gbia ayoro na lo keke ti lo ti gbia so a sara na lôro. Ti mbi, asara laso nze oko so gbia atisa mbi pepe ti gue na tere ti lo.”
“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”
Lo sambela *KOTA GBIA, lo tene: “Âa! KOTA GBIA, tënë so lani mbi tene na be ti mbi na ndembe so mbi yeke na kodro ti mbi so, ni laa asi so pepe? Mbi hinga lani mbi tene, mo yeke Nzapa so mo yeke sara nzoni be na zo si mo yeke baa mawa ti lo; mo yeke sara ngonzo hio hio pepe si nzoni be ti mo asi singo. Mo yeke lakue nduru ti zia lege ti sioni so mo ye ti sara na zo. Ndani laa, mbi londo lani ti kpe hio ti gue na Tarsis.
Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.
ကြော်ငြာတွေ