1 Mbai 21:12 - Mbeti ti Nzapa - Tënë so amu fini

¹² Ngu ota so kota nzara ati na ya ti kodro ti mo? Wala nze ota so mo ti na gbe ti awato ti mo si awato ti mo ayeke sara ngangu na mo? Wala lango ota so Nzapa apika kodro ni na lege so lo yeke tokua *ange ti fango azo si lo yeke tokua sioni kobela ti bubango kodro na ya ni kue’. Gbu li ti mo, mo tene na mbi ye so mbi lingbi ti tene na lo so atokua mbi so.”

1 Mbai 21:12 ပူးပေါင်းရင်းမြစ်များ

2 Samuel 21:1

Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

2 Agbia 8:1

Wali so lani Élisée azingo molenge ti lo na kuâ so, Élisée atene lani na lo: “Londo, mo na asewa ti mo, ala gue, aduti na ndo so ala lingbi ti duti daa. Biani, *KOTA GBIA aleke na be ti lo ti tokua kota nzara na ya ti kodro ni; kota nzara ni ayeke ninga ande ngu mbarambara.”

1 Mbai 21:11

Gad ague, awara David si atene na lo: “Tënë so KOTA GBIA atene ayeke so: ‘Mo soro so wa?

Abia (Psaumes) 91:6

ataa sioni kobela ti bubango kodro so ayeke hara zo na ya ti vukongo ndo, ataa ndonga so ayeke fâ azo na kota lâ.

Sigingo 12:23

Fade KOTA GBIA ayeke hon na ya ti Ezipte kue ti sara ye ti ngangu na kodro ni. Me tongana lo yeke baa mene so ayeke na tere ti akadere ti yanga ti da nga na tere ti kadere ti nduzu, fade lo yeke hon hongo, lo yeke zia lege pepe na kpale ti bubango ndo ti li na ya ti da ti ala ti fâ ala.

Ésaïe 66:16

KOTA GBIA ayeke ga ti fâ ngbanga ti azo na lege ti wâ nga na lege ti yongoro zeme. Azo mingi ayeke kui.

Jérémie 12:12

Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 42:16

bira so ala yeke sara mbeto ni so, fade ayeke wara ala kâ; nzara so ayeke sara si ala yeke gi be ti ala mingi so, fade ayeke tumba peko ti ala ti wara ala kâ; kâ laa ala yeke kui.

Jérémie 47:6

Ala tene: ‘So mawa! Yongoro zeme ti KOTA GBIA, mo yeke wu ka tere ti mo pepe? Kiri na ya ti bozo ti mo, mo duti kpoo! Awe!’

Abia ti demango tere 4:9

Ala so akui kuâ ti bira, pasa ti ala ahon ti ala so akui na nzara. Ala yeke kui gi yeke-yeke ngbii ala hunzi kue, ngbanga ti so ala wara mbeni ye ti te pepe.

Awayango-sandaga 26:10

Ala yeke fâ gba ti ale ti kobe, ala yeke te ni ngbii aninga. Ataa angbene le ti kobe so ala bata ni, ala yeke sigigi na ni ti zia ndo na afini ni.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Nzoni Tënë so Luc asu na mbeti 4:25

Mbi tene na ala: na ngoi ti Élie, awali-mua ayeke mingi na Israel si na ya ti ngu ota na nze omene, ngu-Nzapa apika pepe; kota nzara ati na ya ti kodro ni.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

Ndia ti fani use ni 28:15

Moïse atene: Me tongana ala ma yanga ti *KOTA GBIA Nzapa ti ala pepe, tongana ala sara kue ti sara ye alingbi na atënë ti ndia nga na andia ti lo so mbi yeke fa na ala laso pepe, baa asioni kpale so ayeke ga na ndö ti ala si ayeke ngba na ala ayeke so:

Ndia ti fani use ni 28:22

Fade KOTA GBIA ayeke sara si ala nge ngengo na nduzu; lo yeke tokua kobela ti wâ, kobela ti sukungo tere; aye ayeke gbi tere ti ala. Lo yeke tokua sioni buru; akobela ayeke sara gere ti akobe ti ala na yaka si akobe ni ayeke fun si ahole. Asioni ye so ayeke si ngbii ala hunzi kue.

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Ndia ti fani use ni 28:27

KOTA GBIA ayeke tokua aka ti sanzo na tere ti ala, tongana ti so lo tokua ni lani na tere ti azo ti Ezipte; lo yeke tokua kobela ti sukungo tere na tere ti ala, koto-mo-lango, sarango tere nga na ambeni kobela nde nde so ayeke kai pepe.

Ndia ti fani use ni 28:35

Fade KOTA GBIA ayeke pika ala na asioni kobela ti ka ti sanzo so ayeke kai pepe. Aka ni ayeke gbu ala na likunu ti ala nga na ngbonda ti ala; na pekoni, ayeke mu tere ti ala kue, ti londo na gbe ti gere ti ala ngbii asi na li ti ala.