1 Mbai 21:1 - Mbeti ti Nzapa - Tënë so amu fini

¹ Mbeni lâ, Satan alondo ti sara ye ti sioni na azo ti Israel; lo pusu David titene lo diko wungo ti azo ti Israel.

1 Mbai 21:1 ပူးပေါင်းရင်းမြစ်များ

1 Mbai 20:8

Aturugu ti gbata ti Gat so ayeke ahale ti Harafa. David na aturugu ti lo afâ ala.

1 Mbai 27:24

Yoab, so iri ti mama ti lo ayeke Seruya ato nda ti diko wungo ti azo ni lani awe; me lo hunzi dikongo ala pepe, ngbanga ti so ngonzo ti Nzapa alondo na ndö ti azo ti Israel. Ndani laa a fa wungo ti azo ni pepe na ya ti “Mbeti ti aye so gbia David asara.”

1 Mbai 7:40

Azo so kue ayeke amolenge ti Aser; ala yeke anzoni makonzi ti asewa, akpengba turugu nga anzoni zo ti li ni. A su iri ti ala na mbeti si ala yeke azo so alingbi ti tiri bira; wungo ti ala kue ayeke 26 000.

Mbeti ti Job 2:1

Mbeni lâ, ala so ayeke lango na yayu akiri aga aluti na dawa ti *KOTA GBIA. Satan nga aga aluti na popo ti ala na dawa ti KOTA GBIA.

Sigingo 30:12

“Na ndembe so mo yeke diko wungo ti azo ti Israel, fade zo oko oko ayeke futa mbeni ye na mbi KOTA GBIA ti bata fini ti lo. Tongaso, fade mbeni kpale oko ayeke si na ala pepe na ndembe ti dikongo wungo ti azo ni.

Zakarii 3:1

Na pekoni, na ya ti mbeni ye tongana bango-li, *KOTA GBIA asara si mbi baa kota wayango-sandaga Yeshua. Lo yeke luti na dawa ti *ange ti KOTA GBIA. Andaa Satan ayeke luti na mbage ti maboko ti lo ti koli, ti bi tënë na li ti lo.

Matthieu 4:3

Zabolo aga nduru na tere ti lo si atene na lo: “Tongana mo yeke Molenge ti Nzapa, mo mu yanga na atêne so titene aga kobe!”

Nzoni Tënë so Luc asu na mbeti 11:53

So Jésus alondo na ya ti da ni asigigi, awafango-ndia na afarizien ato nda ti gi tënë mingi na lo. Ala hunda lo na atënë na ndö ti aye mingi,

Nzoni Tënë so Luc asu na mbeti 22:31

Jésus atene: “Simon, Simon, Satan ahunda ti yengere ala tongana ti so zo ayeke yengere ale ti kobe.

Jean 13:2

So ala yeke te kobe ti lakui, Zabolo azia na be ti Judas, molenge ti Iskariote ti ka Jésus.

Awatokua 5:3

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.

Ahebro 10:24

E baa ndo na ndö ti amba ti e na popo ti e ti pusu e titene e ye azo si e sara anzoni ye.

Jacques 1:13

Tongana mbeni ye atara be ti zo, alingbi lo tene pepe: “Nzapa laa ayeke tara be ti mbi so”. Nzara ti sarango sioni ye ayeke gbu be ti Nzapa laoko pepe si Nzapa wani ayeke tara be ti zo oko pepe.

Aye so Nzapa afa 12:10

Na pekoni, mbi ma mbeni kota go so alondo na yayu, atene: “Fadeso ngoi titene Nzapa asoo e asi awe! Fadeso lo fa ngangu ti lo ti gbia awe! Fadeso *Mesii ti lo afa so lo yeke na komandema awe! Zo ti bingo tënë na li ti a-ita ti e, lo so lo yeke luti na le ti Nzapa ti bi tënë na li ti ala bi na lâ so, a mu lo na yayu, a bi lo na gigi awe.