1 Mbai 20:3 - Mbeti ti Nzapa - Tënë so amu fini

³ David amu azo ti gbata ni ague na ala; lo mu na ala angangu kua ti sarango ni. Ambeni ayeke suru akeke, ambeni ayeke de tere ti atêne, ambeni ayeke de akeke. David asara mara ti ye tongaso na azo ti agbata ti azo ti Amon kue. Na pekoni, David na aturugu ti lo kue akiri na Jérusalem.

1 Mbai 20:3 ပူးပေါင်းရင်းမြစ်များ

2 Samuel 12:31

David amu azo ti gbata ni ague na ala; lo mu na ala angangu kua ti sarango ni. Ambeni ayeke suru akeke, ambeni ayeke de tere ti atêne, ambeni ayeke de akeke, ambeni ayeke do ya ti potopoto ti sara na biriki. David asara mara ti ye tongaso na azo ti agbata ti azo ti Amon kue. Na pekoni, David na aturugu ti lo kue akiri na Jérusalem.

1 Agbia 9:21

Azo ni so angba na ya ti kodro ni, ngbanga ti so azo ti Israel awara lege ti fâ ala kue pepe; Salomon amu ala ti sara angangu kua ti ngbaa. *Ahale ti ala angba ti sara akua ni ngbii asi laso.

Sigingo 1:14

Ala sara si dutingo ti azo ti Israel aga ngangu na lege ti angangu kua ti ngbaa: sarango potopoto ti pika na biriki, gbotongo abiriki nga na sarango akua kue ti yaka; so ti tene, azo ti Ezipte asara pasi mingi na azo ti Israel na lege ti sarango angangu kua nde nde.

Ahebro 11:37

A bo ambeni na têne, a fâ ya ti ambeni use use na sii, a fâ ambeni na yongoro zeme. Ala hinga ndo so ala lingbi ti duti daa pepe si ala hon kirikiri, bongo ti ala ayeke gi poro ti tere ti taba wala ti ngasa. Ye kue atia ala, a sara ala sana si a sara ngangu na ala.

Josué 9:23

Ti londo na lango ti laso, a deba ala awe. Ala yeke ngba lakue ti sara kua ti ngbaa, kua ti surungo akeke na ti tongo ngu ndali ti da ti Nzapa ti mbi.”