1 Mbai 20:1 - Mbeti ti Nzapa - Tënë so amu fini

¹ Na tongo nda ti ngu, na ngoi so agbia ayeke gue ka ti tiri bira, Yoab amu aturugu kue si lo gue, lo buba sese ti azo ti mara ti Amon. Na pekoni, lo ga lo ngoro Raba, li-kodro ni ti mu ni na bira. Me David angba ti lo na Jérusalem. Yoab ahon azo ti gbata ti Raba na bira, lo buba gbata ni kue.

1 Mbai 20:1 ပူးပေါင်းရင်းမြစ်များ

2 Samuel 11:1

Na tongo nda ti ngu, na ngoi so agbia ayeke gue ka ti tiri bira, David atokua Yoab, na aturugu ti kota kamba nga na aturugu ti Israel kue ti fâ azo ti Amon, ti ngoro Raba, li-kodro ni ti mu ni na bira. Me David angba ti lo na Jérusalem.

2 Samuel 17:27

So David asi na Mahanaim awe, Shobi, molenge ti Nahash, zo ti Raba, na Makir, molenge ti Amiel, zo ti Lo-Dabar nga na Barzilai, zo ti Rogelim, na sese ti Galaad, ala kue aga na tere ti David.

1 Agbia 20:22

Wayanga-Nzapa aga abaa gbia ti Israel si atene na lo: “Gbu ngangu! Gbu li ti mo mbirimbiri na ndö ti ye so mo lingbi ti sarango ni, ngbanga ti so na ngu ti peko, gbia ti Sirii ayeke kiri ti ga ti tiri bira na mo.”

1 Agbia 20:26

Na ngu ti peko, Ben-Hadad atambula ti baa aturugu ti Sirii oko oko kue. Na pekoni, lo gue na aturugu ni ngbii asi na gbata ti Afek titene ala tiri bira na azo ti Israel.

2 Agbia 13:20

Élisée akui si a lu lo. Na tongo nda ti fini ngu oko oko, gba ti azo ti nzi ti kodro ti Moab ayeke li na sese ti Israel.

1 Mbai 19:19

So azo so ayeke na gbe ti gbia Hadadezer abaa so azo ti Israel ahon ndö ti ala na bira awe, ala leke tënë ti siriri na David si ala duti na gbe ti lo. Na pekoni, azo ti Sirii aye mbeni pepe ti mu maboko na azo ti Amon.

Ésaïe 54:16

Baa, zo ti pikango ndao, lo so lo yeke huru le ti wâ si lo yeke sara na aye ti bira nde nde, mbi laa mbi sara lo. Zo so ayeke mu aye ti bira ni ti buba na aye, mbi nga laa mbi sara lo.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Ezekiel 21:20

Yongoro zeme ni ayeke woko be ti azo ni, ayeke sara si ala ti gbani gbani. Mbi zia yongoro zeme ti fango zo na yanga ti ada kue; a sara ni ti bi na wâ ti bekpa, yanga ni aza ti fâ na azo kue.

Ezekiel 25:5

Mbi yeke sara titene Raba, li-kodro ti Amon aga ndo so *azambala ayeke te pere daa si kodro ti azo ti Amon kue aga ndo so ataba ayeke lango daa. Tongaso, fade ala yeke hinga atene, mbi laa mbi yeke KOTA GBIA.

Amos 1:14

Fade mbi yeke zia wâ na gbagba ti Raba si wâ ni ayeke gbi ayangbo ti gbata ni kue na lango ti bira, na popo ti dekongo ti bira, na ndembe so pupu ti ngu-Nzapa na ngangu pupu ayeke ya.

Ndia ti fani use ni 3:11

– Og, gbia ti Bashan ayeke tanga ti azo ti mara ti Refa so angba na fini. Laso na Raba, li-kodro ti azo ti mara ti Amon, azo angba ti baa gbogbo ti lo, gbogbo ti lo ti wen so yongoro ni ahon metere osio, nduru ni ayeke metere use. –