1 Mbai 2:16 - Mbeti ti Nzapa - Tënë so amu fini

¹⁶ A-ita ti ala ti wali ayeke Seruya na Abigal. Seruya adu Abishai, Yoab na Asael. Ala kue ayeke ota.

1 Mbai 2:16 ပူးပေါင်းရင်းမြစ်များ

2 Samuel 14:1

Yoab, so iri ti mama ti lo ayeke Seruya ahinga atene, be ti gbia David akiri na mbage ti Absalom awe.

2 Samuel 17:25

Absalom azia Amasa na li ti aturugu na plase ti Yoab. Amasa ayeke molenge ti mbeni zo ti Israel so iri ti lo ayeke Yeter so amu lani Abigal ti ga wali ti lo. Abigal ayeke molenge ti Nahash, ita ti Seruya, mama ti Yoab.

2 Samuel 19:22

Abishai, so iri ti mama ti lo ayeke Seruya amu tënë si lo tene: “Shimei so lani azonga gbia so *KOTA GBIA asoro lo so, tënë so lo tene so laa alingbi ti kanga lege ti fâ lo?”

2 Samuel 2:13

Yoab, so iri ti mama ti lo ayeke Seruya na aturugu ti David, ala nga alondo ti gue ti tiri bira. Abongbi ti aturugu use so kue awara tere nduru na ndo so a yeke bata ngu daa na Gabaon. Aturugu ti Abner aluti na mbage, ala ti Yoab aluti na mbeni mbage.

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

1 Mbai 11:20

Abishai, ita ti Yoab, lo yeke na li ti akpengba turugu ota. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

1 Mbai 2:15

omene ni Osem, mbarambara ni David.

1 Mbai 2:17

Abigal adu Amasa; babâ ti Amasa ayeke Yeter, zo ti mara ti Ismael.

1 Samuel 26:6

David airi Ahimelek, zo ti mara ti Het, na Abishai, ita ti Yoab so iri ti mama ti lo ayeke Seruya; lo hunda ala, lo tene: “Zo wa laa aye titene mbi na lo, e gue ngbii e si na ya ti bâbâ ti Saul, zo wa?” Abishai akiri tënë: “Fade mbi na mo, e yeke gue.”