1 Mbai 19:6 - Mbeti ti Nzapa - Tënë so amu fini

⁶ Hanun na azo ti Amon ahinga atene, ala ga sioni na le ti David awe. Ala tokua kilo ti wen ti nginza 30 000 ti futa na apusu ti mbarata nga na azo ti kpengo na ambarata na ndo ti azo ti Sirii, ala ti sese ti Mezopotamii ti nduzu, ala ti Maaka na ti Soba.

1 Mbai 19:6 ပူးပေါင်းရင်းမြစ်များ

Tongo nda ti aye 34:30

Tongaso Jacob atene na Siméon nga na Lévi: “Ala ga na tënë na tere ti mbi, ngbanga ti so ala sara si mbi ga sioni na le ti azo ti kodro ti Kanaan na ti Perizi. E yeke mingi pepe. Fade azo ni ayeke bongbi na ndö ti e si ala yeke fâ mbi, ala yeke hunzi mbi na azo ti sewa ti mbi kue.”

2 Samuel 10:6

Azo ti Amon ahinga atene, ala ga sioni na le ti David awe. Ala futa aturugu 20 000 ti Sirii ti Bet-Rehob nga na ala ti Soba; aturugu ti gbia Maaka 1 000 na ala ti Tob 12 000.

2 Samuel 8:3

David ahon nga ndö ti Hadadezer, molenge ti Rehob, gbia ti Soba. Na ndembe ni, Hadadezer atara ti kiri ti mu akodro so ayeke na tere ti *bale ti Efrate.

1 Mbai 18:5

Azo ti Sirii so aduti na Damas aga ti mu maboko na Hadadezer, gbia ti Soba; me David ahon ndö ti ala na bira si lo fâ ala 22 000.

1 Mbai 18:9

Tou, gbia ti Hamat ama a tene, David ahon ndö ti aturugu kue ti Hadadezer, gbia ti Soba, na bira.

1 Mbai 19:5

Azo ague, atene tënë ni na David; lo tokua azo ti wara ala, ngbanga ti so kamene ahon ndö ti ala. Gbia David atokua yanga na ala, atene: “Ayeke nzoni ala ngba na Jéricho ngbii kua ti yanga ti ala akiri asigigi si fade ala kiri na kodro.”

2 Mbai 18:3

Akab, gbia ti Israel ahunda Yosafat, gbia ti Juda, atene: “Mo ye titene mbi na mo, e gue, e mu Ramot, na sese ti Galaad?” Yosafat akiri tënë na lo, atene: “Mbi na mo, e yeke gi oko, aturugu ti mo na aturugu ti mbi ayeke gi oko. Fade e yeke gue ti tiri bira ni senge.”

2 Mbai 18:5

Tongaso gbia ti Israel abongbi awayanga-nzapa ngbangbo osio si lo hunda ala, lo tene: “Alingbi e gue, e tiri bira na gbata ti Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Nzapa ayeke zia gbata ni na maboko ti mo, gbia.”

2 Mbai 18:9

Gbia ti Israel na Yosafat, gbia ti Juda, ayu bongo ti ala ti gbia si zo oko oko aduti na ndö ti mbata ti lo; ala duti na kota le ti kodro so ayeke nduru na yanga ti gbata ti Samarii. Awayanga-nzapa kue ayeke sara kua ti ala na dawa ti ala.

2 Mbai 25:6

Na pekoni, Amasia afuta kilo ti wen ti nginza saki ota si lo mu angangu turugu ti Israel 100 000 na kua.

2 Mbai 27:5

Lo laa lo tiri bira na gbia ti azo ti mara ti Amon si lo so benda na ndö ti ala. Na ngu ni so, azo ti Amon afuta na Yotam kilo saki ota ti wen ti nginza, kilo kutu ota ti *ble na kilo kutu ota ti *orze. Azo ti Amon afuta na lo gi oko aye ni na use ngu ni nga na ota ngu ni.

Abia (Psaumes) 14:3

Ala kue agirisa nzoni lege awe, ala kue aga sioni legeoko; zo oko ti sara nzoni ayeke daa pepe, ataa oko ayeke daa pepe.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Sigingo 5:21

Ala tene na Moïse nga na Aaron, atene: “Ayeke nzoni KOTA GBIA abaa ye so ala sara so si lo fâ ngbanga na li ti ala! Ndali ti ala laa Faraon na azo ti gbe ti lo aye ti baa e na le pepe. So ayeke tongana ye ti bira laa ala mu na ala ti fâ e na ni!”

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Samuel 13:4

Azo ti Israel kue ama a tene, Saul afâ mbeni govoronere ti azo ti Filistii si azo ti Filistii ni asara ngonzo na tere ti azo ti Israel. Tongaso aturugu kue abongbi ti mu peko ti Saul na kodro ti Gilgal.

1 Samuel 14:47

Gi so Saul aga gbia ti Israel awe, lo tiri bira na awato ti lo kue so angoro lo: azo ti Moab, azo ti Amon, azo ti Edom, agbia ti Soba nga na azo ti Filistii. Na ndo so kue lo hon daa, lo so benda.

1 Samuel 27:12

Akish azia be ti lo kue na ndö ti David si lo tene na be ti lo, lo tene: “Lo kara azo ti Israel, azo ti mara ti lo awe. Fade lo yeke ngba ti sara kua na mbi kpu na kpu.”