1 Mbai 19:3 - Mbeti ti Nzapa - Tënë so amu fini

³ Akota zo ti kodro ti Amon atene na Hanun: “Mo baa ti mo, mo tene, David aye ti ne kuâ ti babâ ti mo si lo tokua azo ti kangbi mua na mo so? Lo tokua azo ti lo so ti tambula, ti *bembe ndo na ya ti kodro ni si mbeni lâ, ala mu ni pepe?”

1 Mbai 19:3 ပူးပေါင်းရင်းမြစ်များ

2 Samuel 10:3

akota zo ti kodro ti Amon atene na Hanun, wa ti ala: “Mo baa ti mo, mo tene, David aye ti ne kuâ ti babâ ti mo si lo tokua azo ti kangbi mua na mo so? Lo tokua azo ti lo so ti tambula, ti *bembe ndo na ya ti gbata ni si mbeni lâ, ala mu ni pepe?”

1 Mbai 19:2

David atene: “Mbi ye ti sara nzoni be na Hanun, molenge ti Nahash, ngbanga ti so babâ ti lo asara ando nzoni be na mbi.” Nilaa David atokua azo ti kangbi mua na lo ndali ti kuâ ti babâ ti lo. Tongaso azo ti kua ti David asi na kodro ti azo ti Amon, na tere ti Hanun ti kangbi mua na lo.

1 Mbai 19:4

Tongaso, Hanun agbu azo ti kua ti David, lo kio kua ti yanga ti ala, lo fâ bongo ti ala ngbii asi na ngbonda ti ala si lo tumba ala.

Awafango-ngbanga 18:2

Azo ti mara ti Dan asoro na popo ti ala angangu koli oku so mbeto oko ayeke na ala pepe. Akoli ni alondo na gbata ti Sora. Azo ti mara ti Dan amu yanga na ala, atene: “Ala tambula, *abembe ndo na ya ti kodro ni.” Ala gue ngbii ala si na da ti Mika so ayeke na sese ti Efraim, ndo so ahoto ayeke daa si ala lango na ndo ni so.

1 Samuel 29:4

Amakonzi ti aturugu ti Filistii asara ngonzo na tere ti Akish si ala tene na lo: “Mo tumba koli so, lo kiri na ndo so mo fa na lo ti duti daa. Ayeke nzoni lo ga na peko ti e na bira so pepe, ngbanga ti tongana bira ni alondo awe, lo kiri lo ga wato ti e ti tiri na e. Lo yeke ga ande nzoni na le ti gbia ti lo tongana nyen? Gi ti fâ azo ti e!

1 Samuel 29:9

Akish akiri tënë na David: “Mbi hinga; biani be ti mbi aye mo tongana mbeni ange ti Nzapa. Me amakonzi ti aturugu ti Filistii atene: ‘Lo lingbi ti gue na peko ti e na bira so pepe.’