1 Mbai 18:2 - Mbeti ti Nzapa - Tënë so amu fini

² Lo hon nga ndö ti azo ti Moab na bira, ala ga azo ti gbe ti lo si ala yeke futa lapo na lo.

1 Mbai 18:2 ပူးပေါင်းရင်းမြစ်များ

2 Samuel 8:2

Lo hon nga ndö ti azo ti Moab na bira, lo zia ala, ala lango na sese, lo diko ala si na popo ti azo ota, lo fâ azo use si lo zia oko; lo sara gi tongaso ngbii asi na ndani. Nilaa azo ti Moab aga azo ti gbe ti David si ala yeke futa lapo na lo.

1 Agbia 10:2

Gbia-wali ni asi na Jérusalem, lo ga na azo gbani gbani na peko ti lo, *azambala so ayo ayombo, lôro gbani gbani nga na atêne ti ngangu ngere. So lo si na tere ti Salomon awe, lo hunda na lo atënë so kue lo leke na be ti lo.

1 Agbia 10:25

Na ngu oko oko, zo oko oko ayeke ga na mbeni nzoni ye ti mu na lo: aye so a sara na wen ti nginza nga na lôro; abongo, aye ti bira, ayombo, ambarata na *apâkârâ.

1 Mbai 18:1

Na pekoni, David ahon ndö ti azo ti Filistii na bira, lo zia kamene na le ti ala. Lo mu gbata ti Gat na akete kodro so ayeke na tere ni na maboko ti azo ti Filistii.

1 Mbai 18:3

David ahon nga ndö ti Hadadezer, gbia ti Soba na bira, Soba so ayeke na mbage ti gbata ti Hamat. Na ndembe ni, Hadadezer atara ti zia maboko na ndö ti akodro so ayeke na tere ti *bale ti Efrate.

Abia (Psaumes) 60:8

Na ya ti kota da ti lo so ayeke nde si ayeke nzoni kue, Nzapa atene tënë, lo tene: “Mbi so benda awe! Mbi yeke kangbi gbata ti Sishem na azo; mbi yeke haka popo-hoto ti Sukot ti mu na azo.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 16:1

Amakonzi ti Moab atene: “Kâ na gbata ti Kota-têne-ti-benyama, ala tokua koli-taba na kota zo ti kodro ni, na gbia ti Juda, na hoto ti *Sion.”

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.

1 Samuel 10:27

Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.