1 Mbai 18:13 - Mbeti ti Nzapa - Tënë so amu fini

¹³ Lo zia agovoronere na ndö ti azo ti Edom si ala ga azo ti gbe ti David. KOTA GBIA asara si David aso benda na ndö ti awato ti lo na ndo so kue lo yeke gue daa.

1 Mbai 18:13 ပူးပေါင်းရင်းမြစ်များ

Tongo nda ti aye 25:23

KOTA GBIA atene na lo: “Amara use ayeke na ya ti mo; amara use ayeke sigigi na ya ti mo ti kangbi tere ti ala. Mbeni mara ni oko ayeke ngangu ahon mbeni, yaya ni ayeke sara kua na gbe ti ngambe ni.”

Tongo nda ti aye 27:29

Ayeke nzoni amara nde asara kua na gbe ti mo si azo ti akodro nde nde akuku na gbe ti mo! Mo ga makonzi ti a-ita ti mo si a-ita ti mo akuku na gbe ti mo! Deba aga na ndö ti zo so ayeke deba mo, tufa aga na ndö ti zo so ayeke sara tufa na ndö ti mo!”

Tongo nda ti aye 27:37

Isaac amu tënë si lo tene na Ezau, lo tene: “Baa! Mbi sara si lo ga makonzi ti mo awe. Mbi mu na lo a-ita ti lo kue titene ala ga azo ti gbe ti lo. Mbi mu na lo ale ti ble nga na fini vin. Molenge ti mbi, nyen laa mbi yeke kiri ti sara na mo, nyen?”

Tongo nda ti aye 27:40

Mo yeke duti nzoni gi ndali ti yongoro zeme ti mo. Me mo yeke sara kua na gbe ti ita ti mo si na hongo ti mo na ando nde nde, mo yeke zi *zuge so lo zia na go ti mo.”

2 Samuel 23:14

David ahonde tere ti lo na mbeni ndo so singo daa ayeke ngangu; andaa ambeni turugu ti Filistii aduti ti bata ndo na Betlehem.

1 Agbia 11:15

Na ngoi ni so, David atiri bira na azo ti kodro-gbia ti Edom. Andaa Yoab, makonzi ti aturugu ti lo ague na Edom ti lu kuâ ti aturugu ti Israel so akui na ya ti bira. Na pekoni, lo fâ akoli na amolenge-koli ti mara ti Edom kue.

1 Mbai 18:12

Abishai, so iri ti mama ti lo ayeke Seruya ahon ndö ti azo ti Edom na bira na popo-hoto ti Ingo; lo fâ ala 18 000.

1 Mbai 18:14

David ale-gbia na ndö ti azo ti Israel kue; lo fâ ngbanga ti azo ti lo kue na legeni mbirimbiri.

1 Mbai 18:6

David azia agovoronere na ndö ti ala, ala ga azo ti gbe ti lo si ala yeke futa lapo na lo. *KOTA GBIA asara si David aso benda na ndö ti awato ti lo na ndo so kue lo yeke gue daa.

Abia (Psaumes) 121:7

Fade KOTA GBIA ayeke bata mo na ya ti asioni ye kue, fade lo yeke bata fini ti mo.

Abia (Psaumes) 144:10

Mo laa mo sara si agbia aso benda; mo laa mo zi David, zo ti kua ti mo, na yanga ti sioni yongoro zeme.

Wungo ti azo 24:18

Fade lo yeke mu Seir na bira, kodro ti azo ti mara ti Edom so ayeke awato ti lo. Fade azo ti Israel ayeke hon ndö ti ala.

2 Korente 11:32

Na ngoi so mbi yeke ando na Damas, govoronere so ayeke sara kua ndali ti gbia Aretas azia aturugu na ayanga ti gbata ni kue titene ala gbu mbi.

1 Samuel 10:5

Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.

1 Samuel 13:3

Mbeni lâ, Jonatan afâ govoronere ti azo ti Filistii so ayeke na kodro ti Geba si azo ti Filistii ama tënë ni. Saul amu yanga titene a huru didi na ya ti kodro kue, atene: “Alingbi ahebro ama tënë so!”

1 Samuel 14:1

Mbeni lâ, Jonatan, molenge ti Saul atene na zo so ayeke yo aye ti bira ti lo, atene: “Ga, e gue na ndo so azo ti Filistii aduti daa, na mbage kâ so.” Me Jonatan atene tënë ni na babâ ti lo pepe.

1 Samuel 18:14

Na ya ti abira so kue David ayeke gue daa, lo yeke so benda, ngbanga ti so KOTA GBIA ayeke na lo.