1 Mbai 18:12 - Mbeti ti Nzapa - Tënë so amu fini

¹² Abishai, so iri ti mama ti lo ayeke Seruya ahon ndö ti azo ti Edom na bira na popo-hoto ti Ingo; lo fâ ala 18 000.

1 Mbai 18:12 ပူးပေါင်းရင်းမြစ်များ

2 Samuel 10:10

Lo zia tanga ti aturugu ni na maboko ti ita ti lo Abishai; lo zia lo, lo luti le na le na azo ti Amon.

2 Samuel 10:14

So azo ti Amon abaa so azo ti Sirii akpe awe, ala nga, ala kpe na dawa ti Abishai si ala kiri na ya ti gbata ti ala. Tongaso, Yoab azia lege ti tiringo bira na azo ti Amon si lo kiri na Jérusalem.

2 Samuel 20:6

Tongaso David atene na Abishai: “Fadeso, Sheba, molenge ti Bikri ayeke sara sioni mingi na e ahon ti Absalom. Mo mu aturugu ti mbi, mo tumba peko ti koli so kozo titene lo gue, lo honde tere ti lo na ya ti agbata so angangu gbagba ayeke na tere ni.”

2 Samuel 21:17

Me Abishai, so iri ti mama ti lo ayeke Seruya aga amu maboko na David si lo fâ zo ti Filistii ni. Nilaa aturugu ahunda na David ti deba yanga ti lo, atene: “Fade mo yeke kiri ti gue na bira na e pepe, tongaso pepe, gbia ayeke duti na Israel mbeni pepe.”

2 Samuel 23:18

Abishai, ita ti Yoab, so iri ti mama ti lo ayeke Seruya, lo yeke na popo ti aturugu ti batango gbia. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

2 Samuel 3:30

Yoab na ita ti lo Abishai afâ Abner, ngbanga ti so Abner afâ lani ita ti ala Asael na ya ti bira ti Gabaon.

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

1 Agbia 11:15

Na ngoi ni so, David atiri bira na azo ti kodro-gbia ti Edom. Andaa Yoab, makonzi ti aturugu ti lo ague na Edom ti lu kuâ ti aturugu ti Israel so akui na ya ti bira. Na pekoni, lo fâ akoli na amolenge-koli ti mara ti Edom kue.

2 Agbia 14:7

Amasia afâ nga azo ti Edom saki baleoko na popo-hoto ti Ingo. Na ndembe ti bira ni, lo mu gbata ti Sela si lo di iri ti gbata ni Yokteel; iri so angba ngbii asi laso.

1 Mbai 11:20

Abishai, ita ti Yoab, lo yeke na li ti akpengba turugu ota. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

1 Mbai 18:11

Gbia David azia aye so nde ndali ti KOTA GBIA; lo bongbi ni na wen ti nginza nga na lôro so lo gbu na maboko ti amara kue: azo ti mara ti Edom, ti Moab, ti Amon, ti Filistii na ti Amalek.

1 Mbai 18:13

Lo zia agovoronere na ndö ti azo ti Edom si ala ga azo ti gbe ti David. KOTA GBIA asara si David aso benda na ndö ti awato ti lo na ndo so kue lo yeke gue daa.

1 Mbai 19:11

Lo zia tanga ti aturugu ni na maboko ti ita ti lo Abishai; a zia ala, ala luti le na le na aturugu ti azo ti Amon.

1 Mbai 2:16

A-ita ti ala ti wali ayeke Seruya na Abigal. Seruya adu Abishai, Yoab na Asael. Ala kue ayeke ota.

2 Mbai 25:11

Amasia awara ngangu; lo na aturugu ti lo ague na popo-hoto ti Ingo si lo fâ azo ti Edom saki baleoko.

Abia (Psaumes) 60:1

Bia so ayeke ndali ti makonzi-bia. A he ni na kundi. Sambela ti ya ti be ti David. Bia ti fango ye na zo.

Abia (Psaumes) 60:2

Tënë ti ya ti bia ni ayeke tene tënë ti bira so David atiri na azo ti Sirii ti sese ti Mezopotamii nga na azo ti Sirii ti sese ti Soba. Na kiringo ti aturugu ti David, Yoab afâ aturugu ti sese ti Edom saki baleoko na use, na popo-hoto ti Ingo.

1 Samuel 26:6

David airi Ahimelek, zo ti mara ti Het, na Abishai, ita ti Yoab so iri ti mama ti lo ayeke Seruya; lo hunda ala, lo tene: “Zo wa laa aye titene mbi na lo, e gue ngbii e si na ya ti bâbâ ti Saul, zo wa?” Abishai akiri tënë: “Fade mbi na mo, e yeke gue.”

1 Samuel 26:8

Abishai atene na David: “Laso Nzapa azia wato ti mo na maboko ti mo awe. Tongana mo ye mbi kpo lo na likongo, mbi pete lo na sese. Mbi ye ti kpo lo gi fani oko awe.”