1 Mbai 18:11 - Mbeti ti Nzapa - Tënë so amu fini

¹¹ Gbia David azia aye so nde ndali ti KOTA GBIA; lo bongbi ni na wen ti nginza nga na lôro so lo gbu na maboko ti amara kue: azo ti mara ti Edom, ti Moab, ti Amon, ti Filistii na ti Amalek.

1 Mbai 18:11 ပူးပေါင်းရင်းမြစ်များ

1 Agbia 7:51

So gbia Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba; lo zia aye ni na ya ti kubu so ayeke bata ka amosoro ti da ti KOTA GBIA daa.

2 Agbia 12:18

Na ngoi ni so, Hazael, gbia ti Sirii aga ti tiri bira na gbata ti Gat si lo mu ni. Na pekoni, lo leke na be ti lo ti gue ti tiri bira na Jérusalem.

1 Mbai 18:10

Lo tokua molenge ti lo ti koli Hadoram na David, ti bara lo na ti gonda lo, ngbanga ti so lo sara bira na Hadadezer si lo hon ndö ti lo. Biani, Hadadezer ayeke wato ti Tou. Lo tokua nga na David aye nde nde so a sara ni na lôro, na wen ti nginza nga na bengba wen.

1 Mbai 18:12

Abishai, so iri ti mama ti lo ayeke Seruya ahon ndö ti azo ti Edom na bira na popo-hoto ti Ingo; lo fâ ala 18 000.

1 Mbai 22:14

Mbi baa pasi mingi ti bongbi aye so ndali ti kua ti da ti KOTA GBIA: kilo kutu ota ti lôro, kilo kutu baleota ti wen ti nginza, bengba wen na wen so zo alingbi ti diko ni pepe. Mbi bongbi nga akeke na atêne. Mo lingbi ti zia ambeni ye na ndö ni.

1 Mbai 26:20

Mbeni zo ti mara ti Lévi, Ahia, kua ti lo ayeke ti baa ndo na ndö ti kubu so a bata amosoro ti kota da ti Nzapa daa nga na aye so a zia nde ndali ti Nzapa.

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

2 Mbai 5:1

So Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba kue; lo zia aye ni na ya ti kubu so ayeke bata ka amosoro ti da ti Nzapa daa.

Sigingo 35:5

Aye so ala yeke na ni, ala bongbi ambeni aga na ni na KOTA GBIA. Azo so kue aye ti mu ye na nzoni be, fade ala yeke ga na ni na KOTA GBIA; ala lingbi ti ga na aye tongana: lôro, wen ti nginza, bengba wen,

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Josué 6:19

Wen ti nginza kue na lôro nga na aye so kue a sara na bengba wen nga na wen, fade ala zia ni nde ndali ti KOTA GBIA; ala zia ni na ya ti kubu so a yeke bata amosoro ti KOTA GBIA daa.”

Josué 6:24

Na pekoni, ala gbi gbata ni na aye so kue ayeke na ya ni. Ye so ala gbi ni pepe ayeke gi wen ti nginza, lôro nga na aye so a sara ni na bengba wen nga na wen. Ala mu aye ni azia na ya ti kubu so a yeke bata amosoro ti da ti *KOTA GBIA daa.

1 Samuel 30:13

David ahunda lo, atene: “Wa ti mo ayeke zo wa? Mo londo na ndo wa?” Lo kiri tënë: “Mbi yeke zo ti Ezipte, mbi yeke ngbaa ti mbeni zo ti Amalek. Wa ti mbi azia mbi ahon asara laso lango ota, ngbanga ti so tere ti mbi aso.

1 Samuel 30:20

David amu ataba, angasa nga na abagara kue. Azo so ayeke tambula na dawa ti anyama ni ti fa lege na ala atene: “Baa aye so David agbu na peko ti bira laa!”