1 Mbai 18:10 - Mbeti ti Nzapa - Tënë so amu fini

¹⁰ Lo tokua molenge ti lo ti koli Hadoram na David, ti bara lo na ti gonda lo, ngbanga ti so lo sara bira na Hadadezer si lo hon ndö ti lo. Biani, Hadadezer ayeke wato ti Tou. Lo tokua nga na David aye nde nde so a sara ni na lôro, na wen ti nginza nga na bengba wen.

1 Mbai 18:10 ပူးပေါင်းရင်းမြစ်များ

2 Samuel 8:10

Lo tokua molenge ti lo ti koli Yoram na David, ti bara lo na ti gonda lo, ngbanga ti so lo sara bira na Hadadezer si lo hon ndö ti lo. Biani, Hadadezer ayeke wato ti Tou. Yoram amu aye so a sara ni na wen ti nginza, na lôro nga na bengba wen ague na ni na David.

1 Mbai 18:11

Gbia David azia aye so nde ndali ti KOTA GBIA; lo bongbi ni na wen ti nginza nga na lôro so lo gbu na maboko ti amara kue: azo ti mara ti Edom, ti Moab, ti Amon, ti Filistii na ti Amalek.

1 Mbai 18:9

Tou, gbia ti Hamat ama a tene, David ahon ndö ti aturugu kue ti Hadadezer, gbia ti Soba, na bira.

2 Mbai 9:1

Gbia-wali ti kodro ti Saba ama sango ti Salomon si lo ga na Jérusalem ti tara ndara ti Salomon na lege ti angangu hundango tënë. Lo ga na azo gbani gbani na peko ti lo, *azambala so ayo ayombo, lôro gbani gbani nga na atêne ti ngangu ngere. So lo si na tere ti Salomon awe, lo hunda na lo atënë so kue lo leke na be ti lo.

Ésaïe 39:1

Na ngoi ni so, Merodak-Baladan, gbia ti Babilone, molenge ti Baladan, ama a tene, tere ti Ezekias aso si lo wara ngangu awe. Tongaso lo tokua na lo mbeti nga na akadoo.