1 Mbai 17:9 - Mbeti ti Nzapa - Tënë so amu fini

⁹ Mbi yeke mu mbeni ndo na azo ti Israel, azo ti mbi; mbi yeke zia ala na ndo ni so titene ala duti daa si mbeni ye ayingi ala pepe, titene ambeni mara so ayeke na sioni pialo akiri ti woko ala tongana ti kozoni pepe.

1 Mbai 17:9 ပူးပေါင်းရင်းမြစ်များ

1 Mbai 17:10

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi sara si awato ti mo kue ati na sese. Mbi tene na mo so KOTA GBIA laa ayeke sara da na mo.

1 Mbai 17:8

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

Abia (Psaumes) 44:2

Nzapa, e ma na mê ti e wani, ababâ ti e atene na e tënë ti akota ye so mo sara ando na ngoi ti ala, na ngoi ti giriri.

Abia (Psaumes) 89:22

Lo laa maboko ti mbi ayeke gbu lo ngangu titene lo ngba na nduzu, ngangu ti mbi ayeke sara si lo kpengba.

Abia (Psaumes) 92:13

Zo ti mbirimbiri ayeke kono tongana keke ti mburu, lo yeke ga kota tongana keke ti sedre ti Liban.

Sigingo 2:23

Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

Ésaïe 49:17

Azo so ayeke kiri ti leke mo amu loro ti ga; me azo so akungbi mo, ala so abuba mo, ala yeke hon yongoro na tere ti mo.

Ésaïe 60:18

Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Jérémie 32:41

Fade ngia ti be ti mbi ayeke ti sara titene ala baa nzoni. Na be ti mbi kue nga na tere ti mbi kue, mbi yeke sara titene gere ti ala ali sese mbirimbiri na ya ti kodro.

Ezekiel 28:4

Na lege ti ndara ti mo na mayere ti mo, mo wara gba ti mosoro; mo bongbi lôro na wen ti nginza na ya ti kubu ti da so mo bata amosoro ti mo daa.

Ezekiel 34:13

Mbi yeke mu ala na kodro wande, mbi yeke zi ala na ya ti akodro so kue ala yeke daa si mbi yeke kiri na ala na kodro ti ala. Mbi yeke gue na ala titene ala te kobe na ndö ti ahoto ti Israel, na ando so ngu ayeke sua daa nga na ando so kue azo asara kodro daa.

Ezekiel 37:25

Ala yeke duti na sese so mbi mu na zo ti kua ti mbi Jacob, sese so akotara ti ala aduti ando daa. Ala yeke duti daa kpu na kpu, ala na amolenge ti ala, na amolenge ti amolenge ti ala. Fade David, zo ti kua ti mbi ayeke duti makonzi ti ala lakue lakue.

Amos 9:15

Mbi yeke kiri na ala na ndö ti sese ti ala; sese so mbi mu na ala so, zo ayeke kiri ti tumba ala daa pepe.” Tënë so KOTA GBIA, Nzapa ti ala atene laa.

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”