1 Mbai 17:8 - Mbeti ti Nzapa - Tënë so amu fini

⁸ Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

1 Mbai 17:8 ပူးပေါင်းရင်းမြစ်များ

Tongo nda ti aye 28:15

Baa, mbi wani, mbi yeke na mo. Mbi yeke bata mo na ndo so kue mo yeke gue daa si mbi yeke kiri na mo na sese so ge so. Biani, mbi yeke zia mo pepe, ngbii mbi sara ye so mbi tene tënë ni na mo so si.”

2 Samuel 22:1

David ahe bia so na ngoi so *KOTA GBIA azi lo na maboko ti awato ti lo kue, nga na maboko ti Saul,

2 Samuel 7:9

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

2 Samuel 8:6

David azia agovoronere na ndö ti ala, ala ga azo ti gbe ti lo si ala yeke futa lapo na lo. *KOTA GBIA asara si David aso benda na ndö ti awato ti lo na ndo so kue lo yeke gue daa.

2 Samuel 8:8

David amu nga gba ti bengba wen so ayeke na Beta nga na Berotai, agbata use ti kodro-gbia ti Hadadezer.

1 Mbai 14:17

Tongaso laa iri ti David amu ya ti akodro kue; KOTA GBIA asara si mbeto ti David asara amara kue.

1 Mbai 17:17

Nzapa, ye ni alingbi na le ti mo pepe. Tongaso mo kiri mo mu zendo ndali ti ahale ti mbi ndali ti angoi so ayeke ga gbanda. KOTA GBIA Nzapa, mo baa mbi tongana mbeni kota zo.

1 Mbai 17:2

Natan akiri tënë na David: “Ye so mo leke na be ti mo ti sara, ayeke nzoni mo sara ni, ngbanga ti so Nzapa ayeke na mo.”

1 Mbai 17:7

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti Israel, azo ti mbi.

1 Mbai 17:9

Mbi yeke mu mbeni ndo na azo ti Israel, azo ti mbi; mbi yeke zia ala na ndo ni so titene ala duti daa si mbeni ye ayingi ala pepe, titene ambeni mara so ayeke na sioni pialo akiri ti woko ala tongana ti kozoni pepe.

Esdras 4:20

Ando, ambeni ngangu gbia ayeke na Jérusalem; ala yeke le-gbia na sese so kue ayeke na Do ti ngu ti Efrate. Azo ayeke futa na ala alapo, lapo na ndö ti akungba nga na alapo ti lege.

Abia (Psaumes) 18:1

Bia so ayeke ndali ti makonzi-bia. Bia ti David, zo ti kua ti *KOTA GBIA. Lo he bia so na ngoi so KOTA GBIA azi lo na maboko ti awato ti lo kue, nga na maboko ti Saul.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Abia (Psaumes) 71:21

Fade mo yeke sara si azo akiri ane mbi mingi, mo yeke kiri ti de be ti mbi.

Abia (Psaumes) 75:7

Ye so asara si zo aga kota alondo na To wala na Do pepe, ye so asara si zo aga kota alondo nga na benyama pepe,

Nzoni Tënë so Luc asu na mbeti 1:52

Lo mu agbia na ndö ti mbata ti ala si lo bi ala na sese, lo mu asenge zo, lo zia ala na kota ndo.

1 Samuel 18:14

Na ya ti abira so kue David ayeke gue daa, lo yeke so benda, ngbanga ti so KOTA GBIA ayeke na lo.

1 Samuel 18:28

Saul abaa si lo hinga atene, KOTA GBIA ayeke na David si molenge ti lo ti wali Mikal aye David.

1 Samuel 26:10

David atene: “KOTA GBIA ayeke na fini! KOTA GBIA wani laa ayeke fâ lo. Tongana lango ti kuâ ti lo alingbi, fade lo yeke kui, wala tongana lo gue na bira, fade lo yeke kui.