1 Mbai 17:6 - Mbeti ti Nzapa - Tënë so amu fini

⁶ Na ngoi so kue mbi na azo ti Israel kue, e tambula, mbi mu awafango-ngbanga ti fa lege na ala. Laoko mbi gboto mê ti mbeni wafango-ngbanga, mbi tene: Ngbanga ti nyen si mo sara na mbi da pepe na keke ti sedre?’

1 Mbai 17:6 ပူးပေါင်းရင်းမြစ်များ

2 Samuel 7:7

Na ngoi so kue mbi na azo ti Israel kue, e tambula, mbi mu amakonzi ti amara ti Israel ti fa lege na azo ti Israel, azo ti mbi. Laoko mbi gboto mê ti mbeni makonzi, mbi tene: Ngbanga ti nyen si mo sara na mbi da pepe na keke ti sedre?’

1 Agbia 8:16

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi; me mbi soro David titene lo sara komandema na ndö ti Israel, azo ti mbi.’

1 Mbai 11:2

So Saul ayeke ando gbia so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA, Nzapa ti mo atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel, azo ti mbi.’ ”

1 Mbai 17:7

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti Israel, azo ti mbi.

Jérémie 23:4

Mbi yeke zia na li ti ala awabatango-taba so fade ayeke bata ala nzoni. Tongaso, mbeto ayeke kiri ti sara ataba ni pepe, ala yeke do nga na mbeto pepe si mbeni oko ti ala ayeke kiri ti girisa pepe; so tënë ti yanga ti KOTA GBIA laa.”

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Matthieu 2:6

‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Awatokua 13:20

Ye ni kue asara nduru na ngu ngbangbo osio na baleoku. “Na pekoni, Nzapa amu na ala awafango-ngbanga ngbii asi na ngoi ti wayanga-Nzapa Samuel.

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

Ndia ti fani use ni 23:14

Fade turugu oko oko ayeke na mbeni kpoka na ya ti kungba ti lo. Tongana lo gue na ngonda, fade lo yeke zi du na kpoka ni. Na pekoni, lo yeke tuku sese na ni na ndö ti sarate so lo sara.

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene:

1 Samuel 12:11

Tongaso KOTA GBIA atokua Gédéon, Bedan, Yefte na mbi Samuel ti zi ala na maboko ti awato so angoro ala. Tongaso si ala lingbi ti lango na ya ti kodro ni na siriri.