1 Mbai 17:5 - Mbeti ti Nzapa - Tënë so amu fini

⁵ Na lango so mbi sara si azo ti Israel asigigi na sese ti Ezipte ngbii asi laso, mbi de ti lango na ya ti mbeni da pepe; me mbi yeke lango gi na gbe ti ada ti bongo, na ndo so ge ti si kâ, na ndo so ge ti si kâ.

1 Mbai 17:5 ပူးပေါင်းရင်းမြစ်များ

2 Samuel 6:17

Na peko ti so ala ga na sanduku ti mbuki ti KOTA GBIA, ala zia ni na ndo so a leke ndali ni, na gbe ti da ti bongo so David aleke ndali ni. David amu asandaga so a yeke gbi ni kue na wâ nga na asandaga ti beoko na KOTA GBIA.

2 Samuel 7:6

Na lango so mbi sara si azo ti Israel asigigi na sese ti Ezipte ngbii asi laso, mbi de mbi lango na ya ti mbeni da pepe; me na ya ti tambula ti mbi, mbi yeke lango gi na gbe ti da ti bongo.

1 Agbia 8:16

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi; me mbi soro David titene lo sara komandema na ndö ti Israel, azo ti mbi.’

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

1 Agbia 8:4

Ala yo sanduku ti mbuki ti KOTA GBIA, da ti bongo so KOTA GBIA na azo ti lo ayeke wara tere daa nga na aye so kue a zia nde ndali ti Nzapa. Awayango-sandaga na azo ti mara ti Lévi laa ayo aye ni so.

2 Mbai 2:6

Fadeso, tokua na mbi mbeni wakode-kua ti lôro, ti wen ti nginza, ti bengba wen na ti wen, wakode-kua so ahinga nga ti sara anzoroko na tere ti abongo: nzoroko so abe bengo, nzoroko so akpa le ti nduzu, nzoroko so abe si aza zango; lo hinga nga ti de alimo na kode na tere ti aye, lo na awakode-kua so babâ ti mbi David asoro ala lani si ala yeke na tere ti mbi na sese ti Juda nga na Jérusalem.

2 Mbai 6:18

“Me Nzapa alingbi biani ti duti na ndo oko na azo na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

2 Mbai 6:5

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi, wala mbi soro mbeni zo pepe titene lo ga makonzi ti azo ti Israel, azo ti mbi.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’