1 Mbai 17:3 - Mbeti ti Nzapa - Tënë so amu fini

³ Na bi ni so, tënë ti Nzapa asi na Natan, atene:

1 Mbai 17:3 ပူးပေါင်းရင်းမြစ်များ

1 Agbia 8:16

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi; me mbi soro David titene lo sara komandema na ndö ti Israel, azo ti mbi.’

1 Mbai 17:2

Natan akiri tënë na David: “Ye so mo leke na be ti mo ti sara, ayeke nzoni mo sara ni, ngbanga ti so Nzapa ayeke na mo.”

1 Mbai 17:4

“Gue mo tene na David, zo ti kua ti mbi, mo tene: Tënë so KOTA GBIA atene ayeke so: ‘Mo laa mo yeke sara da na mbi pepe titene mbi lango daa.

Ésaïe 30:21

Na ndembe so mo ye ti hon na mbage ti maboko ti koli wala na mbage ti maboko ti wali, mo yeke ma na peko ti mo mbeni go so ayeke tene: “Baa lege ni laa, mo mu ni!”

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Wungo ti azo 12:6

Lo tene na ala: “Ala ma tënë ti mbi nzoni. Tongana mbeni wayanga-Nzapa ayeke na popo ti ala, mbi KOTA GBIA, mbi sara si lo hinga, mbi na lege ti mbeni ye tongana bango-li; mbi tene tënë na lo na ya ti bango-li.