1 Mbai 17:27 - Mbeti ti Nzapa - Tënë so amu fini

²⁷ Fadeso, mo yeda awe ti sara tufa na ndö ti ahale ti mbi, tongaso si ala ngba kpu na kpu na dawa ti mo. Biani, KOTA GBIA, mo laa mo sara tufa na ndö ti ala; ye so mo sara tufa na ndö ni, tufa ni ayeke ngba kpu na kpu.”

1 Mbai 17:27 ပူးပေါင်းရင်းမြစ်များ

Tongo nda ti aye 27:33

Tere ti Isaac kue ado ngangu mingi si lo hunda ndo, lo tene: “Ka zo wa laa ague na ngonda si aga na mbi nyama so, zo wa? Mbi te nyama ni kue awe kozo si mo ga so. Mbi sara tufa na ndö ti lo awe; fade tufa ni ayeke ngba na ndö ti lo.”

1 Agbia 2:33

Ngbanga ti mene ti azo use so ayeke ti na li ti Yoab na ahale ti lo kpu na kpu. Me KOTA GBIA ayeke sara titene David, asewa ti lo na *ahale so ayeke duti ande gbia na peko ti lo, ye ti ala kue ayeke ga nzoni lakue.”

1 Agbia 2:45

Me fade KOTA GBIA ayeke sara tufa na ndö ti mbi, lo yeke sara titene lengo-gbia ti asewa ti David akpengba kpu na kpu.”

1 Mbai 17:26

Fadeso KOTA GBIA, mo laa mo yeke Nzapa, mo tene tënë ti nzoni ye so na mbi awe!

1 Mbai 18:1

Na pekoni, David ahon ndö ti azo ti Filistii na bira, lo zia kamene na le ti ala. Lo mu gbata ti Gat na akete kodro so ayeke na tere ni na maboko ti azo ti Filistii.

1 Mbai 28:4

KOTA GBIA, Nzapa ti Israel asoro mbi na popo ti asewa ti mbi kue titene mbi ga gbia ti Israel kpu na kpu. Ando lo soro Juda titene lo ga makonzi; na ya ti mara ti Juda, lo soro sewa ti mbi si na popo ti amolenge ti babâ ti mbi, be ti lo anzere ti zia mbi gbia na ndö ti Israel kue.

Abia (Psaumes) 21:6

Iri ti lo awu mingi ndali ti so mo so benda awe; mo mu na lo gonda na nengo mingi.

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Wungo ti azo 23:20

KOTA GBIA atene na mbi ti sara tufa na ndö ti azo so, lo wani, lo sara tufa na ndö ti ala awe; awe! Tënë so mbi tene, mbi lingbi ti kiri na ndö ni pepe.

Rome 11:29

Biani, tongana Nzapa amu ye na zo awe, lo yeke kiri ti zi ni na maboko ti lo pepe; tongana Nzapa airi mbeni zo awe, lo yeke kiri ti ke lo pepe.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

Ndia ti fani use ni 15:6

Biani, fade KOTA GBIA Nzapa ti ala ayeke sara tufa na ndö ti ala alingbi na zendo so lo mu. Ala yeke sara boon ti nginza na gba ti amara nde; me ti ala, azo ti Israel, ala yeke hunda boon na maboko ti zo oko pepe. Ala yeke sara komandema na ndö ti gba ti amara nde; me zo oko ti mbeni mara nde ayeke sara komandema na ndö ti ala pepe.