1 Mbai 17:20 - Mbeti ti Nzapa - Tënë so amu fini

²⁰ KOTA GBIA, mbeni nzapa ti lingbi na mo ayeke daa pepe. Na ya ti atënë so kue e ma, e ma a tene, mbeni nzapa tongana mo ayeke daa pepe, gi mo oko.

1 Mbai 17:20 ပူးပေါင်းရင်းမြစ်များ

1 Mbai 17:19

KOTA GBIA, ndali ti mbi, zo ti kua ti mo, nga na lege ti ye so be ti mo aye, mo sara akota ye so kue ti fa ni na azo.

1 Mbai 17:21

Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Mbeni nzapa asara tongaso ndali ti azo ti lo awe? Mo sara si iri ti mo awu na lege ti akota ye nga na aye ti dongo be so mo sara ndali ti azo ti mo, mo tumba ambeni mara na dawa ti azo ti mo so mo zi ala na Ezipte.

Abia (Psaumes) 44:1

Bia ti azo ti Kore; bia so ayeke ndali ti makonzi-bia. Bia ti fango ye na zo.

Abia (Psaumes) 86:8

Kota Gbia, na popo ti anzapa, mbeni oko ti lingbi na mo ayeke daa pepe. Ye so mo sara, mbeni nzapa ti sara ni ayeke daa pepe.

Abia (Psaumes) 89:6

KOTA GBIA, aye so ayeke na yayu ayeke sepela mo ndali ti aye ti kpene ti mo! Bongbi ti *a-ange ayeke sepela mo ndali ti batango tënë ti yanga ti mo so mo yeke bata.

Abia (Psaumes) 89:8

Na ya ti bongbi ti a-ange, Nzapa ayeke zia kota mbeto na be ti ala; lo yeke zia mbeto mingi na be ti ala so kue angoro lo.

Abia (Psaumes) 97:9

Biani, mo KOTA GBIA laa mo yeke na yayu kâ na ndö ti aye kue, na ndö ti sese kue, mo yeke na nduzu na ndö ti anzapa kue.

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Sigingo 8:10

Azo abongbi kuâ ti ala gbani gbani, na ndö ti tere, na ndö ti tere si ya ti kodro ni kue afun sioni sioni.

Sigingo 9:14

Taa ti so ni, mbi yeke tokua mara ti angangu kpale kue na ndö ti mo wani, na ndö ti azo ti gbe ti mo nga na ndö ti azo ti kodro ti mo, tongaso si mo yeke hinga, mo tene, na ndö ti sese so, mbeni zo oko ti lingbi na mbi ayeke daa pepe.

Ésaïe 40:18

Ala ye ti haka Nzapa na zo wa? Limo ti nyen laa ala baa alingbi na lo?

Ésaïe 40:25

Nzapa so ayeke nde si ayeke nzoni kue ahunda ndo, atene: “Ala haka mbi na zo wa? Zo wa laa alingbi na mbi, zo wa?”

Ésaïe 43:10

Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Ésaïe 45:5

Mbi laa mbi yeke KOTA GBIA, mbeni nde ayeke daa pepe. Mbeni Nzapa nde ayeke pepe, gi mbi oko. Ataa so mo hinga mbi pepe, mbi leke mo ndali ti bira.

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Ndia ti fani use ni 3:24

“Kota Gbia NZAPA, mo to nda ti fa na mbi, zo ti kua ti mo, kota ti mo na ngangu ti maboko ti mo. Mbeni nzapa nde, ataa na yayu, ataa na ndö ti sese so alingbi ti sara akota ye tongana mo ayeke daa pepe!

Ndia ti fani use ni 33:26

Na pekoni, Moïse akiri atene: “Yeshurun, mbeni nzapa ti lingbi na Nzapa ti mo ayeke daa pepe! Na ya ti gonda ti lo, lo tambula na ndö ti ambinda, lo hon na le ti nduzu si lo yeke ga ti mu maboko na mo.

Ndia ti fani use ni 4:35

Ala wara lege ti baa aye so kue titene ala hinga atene, KOTA GBIA laa ayeke Nzapa; mbeni nzapa nde ayeke daa pepe, gi lo oko.

Ndia ti fani use ni 4:39

Alingbi ala hinga tënë so laso, ala gbu li ti ala na ndö ni nzoni: KOTA GBIA laa ayeke Nzapa na yayu, yongoro na nduzu kâ; lo yeke nga Nzapa na ndö ti sese; mbeni Nzapa nde ayeke daa pepe.

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.