1 Mbai 17:2 - Mbeti ti Nzapa - Tënë so amu fini

² Natan akiri tënë na David: “Ye so mo leke na be ti mo ti sara, ayeke nzoni mo sara ni, ngbanga ti so Nzapa ayeke na mo.”

1 Mbai 17:2 ပူးပေါင်းရင်းမြစ်များ

2 Samuel 7:3

Natan akiri tënë na gbia, atene: “Ye so mo leke na be ti mo ti sara, ayeke nzoni mo sara ni, ngbanga ti so KOTA GBIA ayeke na mo.”

1 Agbia 8:17

Babâ ti mbi David aleke lani na be ti lo ti sara da ndali ti KOTA GBIA, Nzapa ti Israel.

1 Mbai 17:1

So David aduti na yangbo ti lo awe, lo tene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti *KOTA GBIA ayeke lango na gbe ti da ti bongo.”

1 Mbai 17:3

Na bi ni so, tënë ti Nzapa asi na Natan, atene:

1 Mbai 22:7

Lo tene na Salomon: “Molenge ti mbi, lani mbi leke na be ti mbi ti sara kota da ndali ti KOTA GBIA, Nzapa ti mbi.

1 Mbai 28:2

Gbia David aluti na nduzu si lo tene: “A-ita ti mbi, azo ti mbi, ala ma mbi! Mbi leke lani na be ti mbi ti sara da ti zia sanduku ti *mbuki ti *KOTA GBIA daa, so ti tene mbata so Nzapa ti e ayeke zia gere ti lo daa. Mbi leke aye ti sarango na da ni awe.

Abia (Psaumes) 20:4

Ayeke nzoni lo dabe ti lo na asandaga so kue mo mu na lo; ayeke nzoni lo yeda na asandaga ti mo so a gbi ni kue na wâ. Luti kete

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Nzoni Tënë so Luc asu na mbeti 1:28

Ange ni asi na ndo so lo yeke daa si atene na lo: “Mbi bara mo-oo! Nzapa asara nzoni be na mo. *Kota Gbia ayeke na mo.”

1 Korente 13:9

Biani, mbage ti hingango ye ti e atia, mbage ti atënë ti peko ti yanga ti Nzapa so e yeke tene atia;

Josué 9:14

Azo ti Israel ayeda ti mu ambeni kobe ti azo ti Gabaon, me ala hunda KOTA GBIA ndali ni pepe.

1 Samuel 10:7

Tongana mo baa aye so kue asi, sara ye so kue mo lingbi ti sara, ngbanga ti so Nzapa ayeke na mo.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”