1 Mbai 17:18 - Mbeti ti Nzapa - Tënë so amu fini

¹⁸ Tënë ti nyen laa, mbi David, mbi lingbi ti kiri ti tene na mo ndali ti iri ti mbi so mo mu na nduzu so? Mo hinga mbi, zo ti kua ti mo awe.

1 Mbai 17:18 ပူးပေါင်းရင်းမြစ်များ

1 Mbai 17:17

Nzapa, ye ni alingbi na le ti mo pepe. Tongaso mo kiri mo mu zendo ndali ti ahale ti mbi ndali ti angoi so ayeke ga gbanda. KOTA GBIA Nzapa, mo baa mbi tongana mbeni kota zo.

1 Mbai 17:19

KOTA GBIA, ndali ti mbi, zo ti kua ti mo, nga na lege ti ye so be ti mo aye, mo sara akota ye so kue ti fa ni na azo.

Abia (Psaumes) 139:1

Bia so ayeke ndali ti makonzi-bia; bia ti David. *KOTA GBIA, mo baa ndo na ya ti be ti mbi kâ, mo hinga mbi nzoni.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.