1 Mbai 17:16 - Mbeti ti Nzapa - Tënë so amu fini

¹⁶ Gbia David ague, aduti na dawa ti *KOTA GBIA si lo tene: “KOTA GBIA Nzapa, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?

1 Mbai 17:16 ပူးပေါင်းရင်းမြစ်များ

Tongo nda ti aye 32:10

Na pekoni, Jacob asambela, atene: “Nzapa ti babâ ti mbi Abraham, Nzapa ti babâ ti mbi Isaac, mo KOTA GBIA so mo tene na mbi, mo tene: ‘Kiri na kodro ti mo na ti asewa ti mo; fade mbi yeke sara nzoni na mo’,

2 Samuel 7:18

Gbia David ague, aduti na dawa ti *KOTA GBIA si lo tene: “Kota Gbia NZAPA, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?

2 Agbia 19:14

Ezekias amu mbeti ni na maboko ti awatokua ni, lo diko ni si lo gue na ya ti kota da ti *KOTA GBIA. Lo zi ya ti mbeti ni na le ti KOTA GBIA.

1 Mbai 17:15

Natan atene na David peko ti aye so kue KOTA GBIA afa na lo na ya ti mbeni ye tongana bango-li.

1 Mbai 17:17

Nzapa, ye ni alingbi na le ti mo pepe. Tongaso mo kiri mo mu zendo ndali ti ahale ti mbi ndali ti angoi so ayeke ga gbanda. KOTA GBIA Nzapa, mo baa mbi tongana mbeni kota zo.

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

2 Mbai 1:8

Salomon akiri tënë na Nzapa: “Mo sara nzoni be mingi na babâ ti mbi David si mo zia mbi gbia na plase ti lo.

Abia (Psaumes) 144:3

KOTA GBIA, zo ayeke nyen si tënë ti lo agbu be ti mo tongaso? Zo ayeke nyen titene mo dabe ti mo na lo?

Awatokua 26:22

Me Nzapa abata mbi ngbii asi laso si mbi ngba ti fa peko ti ye so asi mbi na azo kue: akete zo na akota zo. Mbi yeke tene gi tënë ti ye so Moïse na awayanga-Nzapa atene tënë ni ando si ye ni asi so.

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Awafango-ngbanga 6:15

Gédéon akiri tënë na lo: “Kota Gbia, mbi gbu gere ti mo! Fade mbi yeke soo azo ti Israel ni tongana nyen? Mara ti mbi ayeke kete mara na popo ti mara ti Manase. Ti mbi, mbi yeke gi ndangba molenge ti ya ti sewa ti mbi.”

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”

1 Samuel 9:21

Saul akiri tënë: “So tënë ti nyen? Mbi yeke ti mbi zo ti mara Benjamin. Benjamin ayeke mbeni kete mara na popo ti amara ti Israel. Sewa ti mbi ayeke gi kete sewa na ya ti amara ti azo ti Benjamin. Mo tene mara ti tënë tongaso na mbi ngbanga ti nyen?”