1 Mbai 17:11 - Mbeti ti Nzapa - Tënë so amu fini

¹¹ Tongana ngoi ti mo alingbi awe titene mo gue na peko ti akotara ti mo, fade mbi yeke mu mbeni *hale ti mo, so ti tene mbeni molenge ti mo ti koli titene lo ga gbia. Mbi yeke sara titene lengo-gbia ti lo akpengba.

1 Mbai 17:11 ပူးပေါင်းရင်းမြစ်များ

Tongo nda ti aye 15:15

Ti mo, fade mo yeke duti nzoni na mbakoro ti mo; mo yeke kui gi na ya ti siriri ti gue ti wara akotara ti mo si a yeke lu kuâ ti mo.

1 Agbia 1:21

Tongana mo sara tongaso pepe, na peko ti kuâ ti mo, fade azo ayeke baa mbi na molenge ti mbi Salomon tongana azo so tënë ayeke na li ti ala.”

1 Agbia 2:10

Na pekoni, David akui, lo hon na peko ti ababâ ti lo si a lu lo na Gbata ti David, na Jérusalem.

1 Agbia 8:19

Me mo laa mo yeke sara ande da ni pepe; molenge ti mo laa ayeke sara da ni ndali ti mbi.’ ”

1 Agbia 8:20

Salomon akiri atene: “Tënë so KOTA GBIA atene lani so, lo sara ye alingbi na ni awe: mbi ga gbia na peko ti babâ ti mbi David, mbi duti na ndö ti mbata ti gbia ti Israel, alingbi na tënë so KOTA GBIA atene lani, nilaa mbi sara kota da so ndali ti KOTA GBIA, Nzapa ti Israel.

1 Mbai 17:10

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi sara si awato ti mo kue ati na sese. Mbi tene na mo so KOTA GBIA laa ayeke sara da na mo.

1 Mbai 17:12

Lo laa lo yeke sara da ndali ti mbi; mbi yeke sara titene lengo-gbia ti lo angba kpu na kpu.

1 Mbai 28:5

KOTA GBIA amu na mbi amolenge-koli mingi. Na popo ti amolenge ni, lo soro Salomon, molenge ti mbi titene lo duti na ndö ti mbata ti gbia na sese ti Israel si lo le-gbia na iri ti KOTA GBIA.

1 Mbai 29:15

Biani, na le ti mo, e yeke awande, e yeke agene tongana akotara ti e. Fini ti e na ndö ti sese so ayeke tongana gbe ti de so ayeke hon hongo, mbeni ye titene e zia be ti e ti ku ayeke daa pepe.

1 Mbai 29:28

David aduti nzoni na ya ti mbakoro ti lo si lo kui; lo te gigi alingbi na lo, lo yeke na gba ti mosoro si azo agonda lo mingi. Salomon, molenge ti lo, aga gbia na peko ti lo.

2 Mbai 6:9

Me mo laa mo yeke sara ande da ni pepe; molenge ti mo laa ayeke sara da ni ndali ti mbi.’ ”

Abia (Psaumes) 132:11

KOTA GBIA adeba yanga ti lo na David, lo tene taa-tënë, lo yeke kiri ti tene mbeni tënë nde pepe: “Mbeni molenge ti mo laa mbi yeke zia lo na ndö ti mbata ti mo ti gbia.

Abia (Psaumes) 89:5

Fade mbi yeke sara si mbeni *hale ti mo angba gbia kpu na kpu, mbi yeke bata mbeni zo ti sewa ti mo na ndö ti mbata ti gbia na angoi kue.” Luti kete

Jérémie 33:17

Tënë so KOTA GBIA atene ayeke so: “Fade mbeni hale ti David ayeke duti daa lakue ti le-gbia na ndö ti azo ti Israel.

Awatokua 13:36

Na ngoi so David angba na fini, lo sara ye so kue Nzapa aye lo ti sara. Na pekoni lo kui, a lu lo na tere ti akotara ti lo si lo fun.

Awatokua 2:29

“A-ita, mbi ye ti tene na ala tënë mbirimbiri na ndö ti kotara ti e David: lo kui si a lu lo, sende ti kuâ ti lo angba laso na popo ti e.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.