1 Mbai 16:4 - Mbeti ti Nzapa - Tënë so amu fini

⁴ David amu ambeni zo ti mara ti Lévi si lo zia ala na dawa ti sanduku ti *mbuki ti *KOTA GBIA titene ala dabe ti azo na iri ti KOTA GBIA, ala sepela lo si ala gonda nga KOTA GBIA, Nzapa ti Israel.

1 Mbai 16:4 ပူးပေါင်းရင်းမြစ်များ

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Tongo nda ti aye 33:20

Lo leke mbeni gbalaka kâ si lo di iri ni “El, Nzapa ti Israel”.

1 Agbia 8:15

Lo tene: “Mbi mu singila na *KOTA GBIA, Nzapa ti Israel! Zendo so lo mu lani na babâ ti mbi David, lo wani, lo sara ye alingbi na ni;

1 Mbai 15:16

Tongaso, David atene na amakonzi ti azo ti mara ti Lévi ti zia na yanga ti kua, a-ita ti ala so ayeke he bia si ala yeke pika mozoko na gbe ni; ala yeke pika kota kundi, kete kundi na wen. Lo tene nga na ala ti pika mozoko ni ngangu ti fa ngia ti be ti ala.

1 Mbai 16:3

Na pekoni, lo kangbi kobe na azo ti Israel kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye.

1 Mbai 16:5

Asaf ayeke makonzi ti ala, Zakarii ayeke mu maboko na lo; Yeiel, Shemiramot, Yehiel, Matitia, Eliab, Benaya, Obed-Edom nga na Yeiel ayeke pika ti ala kete kundi na kota kundi si Asaf ayeke pika ti lo wen.

1 Mbai 16:8

Ala sepela KOTA GBIA! Ala to mbela ti fa atene, lo yeke Nzapa! Ala sara si amara ahinga tënë ti akota ye so lo sara!

1 Mbai 24:3

David, lo na Sadok, hale ti Elazar, ala na Ahimelek, hale ti Itamar akangbi ahale ti Aaron na ya ti abongbi nde nde, alingbi na akua so ala yeke sara.

1 Mbai 25:1

David na amakonzi ti abongbi azia ambeni *hale ti Asaf, ti Heman na ti Yedutun nde ti sara kua ti Nzapa. Ala yeke he bia ti tene atënë so alondo na Nzapa si ala yeke pika na gbe ni akundi, akete kundi nga na awen so ayeke toto. Iri ti azo so a mu ala ndali ti kua ni ayeke so:

1 Mbai 6:31

Amsi, Amsi ayeke molenge ti Bani, Bani ayeke molenge ti Shemer, Shemer ayeke molenge ti

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

Esdras 3:10

So azo ti lekengo kota da ti KOTA GBIA alu gere ti da ni awe, awayango-sandaga ayu abongo ti ala ti kua, ala mu atatalita si ala ga ti mu ndo ti ala. *Ahale ti Asaf, azo ti mara ti Lévi amu wen so atoto ngangu si ala na awayango-sandaga ni asepela KOTA GBIA alingbi na lege so David, gbia ti Israel, afa na ala.

Néhémie 12:24

Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.

Abia (Psaumes) 103:2

Biani, mbi ye ti mu singila na KOTA GBIA! Anzoni ye so lo sara na mbi, mbi ye ti girisa mbeni oko pepe.

Abia (Psaumes) 105:5

Ala, *ahale ti Abraham, zo ti kua ti KOTA GBIA, ala, ahale ti Jacob, ala so KOTA GBIA asoro ala, ala dabe ti ala na aye ti kpene so lo sara; ala dabe ti ala na aye ti dongo be so lo sara, na atënë ti fango ngbanga so asigigi na yanga ti lo.

Abia (Psaumes) 106:48

Singila na KOTA GBIA, Nzapa ti Israel, ngbene ye lakue lakue, kpu na kpu! Ayeke nzoni azo kue atene: “Amen! Aleluya!”

Abia (Psaumes) 37:1

Bia ti David. Ngonzo ti wâ agbu mo na tere ti azo ti sioni pepe, be asara mo ndali ti warango ye ti azo ti kirikiri pepe.

Abia (Psaumes) 70:1

Bia so ayeke ndali ti makonzi-bia; bia ti David. Bia ti dango be.

Abia (Psaumes) 72:18

Singila na *KOTA GBIA, Nzapa ti Israel, gi lo oko si lo yeke sara aye ti kpene!