1 Mbai 16:2 - Mbeti ti Nzapa - Tënë so amu fini

² So David amu asandaga ni awe, lo sara tufa na ndö ti azo ni na iri ti KOTA GBIA.

1 Mbai 16:2 ပူးပေါင်းရင်းမြစ်များ

Tongo nda ti aye 14:19

Lo sara tufa na ndö ti Abram, lo tene: “Ayeke nzoni Nzapa so ayeke na yayu kâ na ndö ti aye kue si lo sara yayu na sese, asara tufa na ndö ti Abram.

Tongo nda ti aye 20:7

Mo kiri na wali ti koli so na lo, ngbanga ti so koli ni ayeke wayanga-Nzapa. Fade lo yeke sambela ndali ti mo titene mo ngba na fini. Me tongana mo kiri na wali ni pepe, ayeke nzoni mo hinga, mo tene, mo na azo ti mo kue ayeke kui biani.”

Tongo nda ti aye 47:10

Jacob akiri abara Faraon, na pekoni, lo londo, lo sigigi.

Tongo nda ti aye 47:7

Joseph aga na babâ ti lo Jacob si lo fa lo na Faraon. Jacob abara Faraon.

2 Samuel 6:18

So David amu sandaga ni awe, lo sara tufa na ndö ti azo ni na iri ti KOTA GBIA so ngangu ti lo ahon angangu kue.

1 Mbai 16:1

Na peko ti so ala ga na sanduku ti mbuki ti Nzapa, ala zia ni na gbe ti da ti bongo so David aleke ndali ni. Ala mu *asandaga so ayeke gbi ni kue na wâ nga na asandaga ti beoko na Nzapa.

1 Mbai 16:3

Na pekoni, lo kangbi kobe na azo ti Israel kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye.

2 Mbai 29:29

So ala mu sandaga ni kue awe, gbia na azo so ayeke na tere ti lo akuku, akpo li ti ala na sese.

2 Mbai 30:27

Na pekoni, awayango-sandaga so ayeke azo ti mara ti Lévi alondo si ala sara tufa na ndö ti azo ni. Sambela ti ala asi na yayu, ndo so ayeke nde si ayeke nzoni kue ti Nzapa si Nzapa ayeda na sambela ni.

Ezekiel 45:17

Kua ti makonzi ni ayeke titene lo mu sandaga so a yeke gbi ni kue na wâ, asandaga ti ale ti kobe nga na sandaga ti samba na ngoi ti amatanga; na lango ti matanga ti fini nze, na *lango ti wungo tere nga na amatanga kue ti azo ti Israel. Fade makonzi ayeke mu sandaga titene Nzapa azi sioni na li ti azo, asandaga nde nde, sandaga so a yeke gbi ni kue na wâ nga na asandaga ti beoko titene Nzapa azi sioni na li ti azo ti Israel.”

Awayango-sandaga 1:3

“Tongana zo ni aye ti mu bagara na sandaga so a yeke gbi ni kue na wâ, alingbi lo mu koli-bagara so mbeni mbage ti tere ti lo abuba pepe. Zo ni ayeke gue na nyama ni na yanga ti da ti bongo so KOTA GBIA na azo ti lo ayeke wara tere daa, tongaso si KOTA GBIA ayamba lo nzoni.

Ahebro 7:7

Andaa kota zo laa ayeke sara tufa na ndö ti zo so ayeke na gbe ti lo; so kite ni ayeke daa pepe.

Josué 22:6

Na pekoni, Josué asara tufa na ndö ti ala si lo zia ala titene ala kiri na ndo ti ala.