1 Mbai 16:16 - Mbeti ti Nzapa - Tënë so amu fini

¹⁶ mbuki so lo na Abraham asara, lo deba yanga ti lo na Isaac ti bata tënë ti yanga ti lo.

1 Mbai 16:16 ပူးပေါင်းရင်းမြစ်များ

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 17:2

Mbi ye ti leke *mbuki na popo ti mbi na mo; mbi yeke sara titene *ahale ti mo awu ahon ndoni.”

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Tongo nda ti aye 35:11

Nzapa akiri atene na lo: “Mbi yeke Nzapa so ngangu ti mbi ahon angangu kue. Mo du amolenge, ala wu mingi. Fade mbeni mara na amara mingi ayeke baa gigi na lege ti mo. Fade agbia ayeke sigigi na ya ti mo.

2 Samuel 6:12

Azo ague, atene na gbia David, atene: “Ndali ti sanduku ti *mbuki ti Nzapa, *KOTA GBIA asara tufa na ndö ti sewa ti Obed-Edom na aye ti lo kue.” Tongaso, David alondo, lo gue na da ti Obed-Edom, lo mu sanduku ti mbuki ti Nzapa si lo kiri na ni na Gbata ti David, na ngia na be.

1 Mbai 16:15

Ala dabe ti ala lakue na tënë ti mbuki ti lo, tënë ti yanga ti lo so ague ngbii asi na ahale ti ala ti molongo saki oko;

Néhémie 9:8

Mo baa so lo yeke bata be ti lo na mo lakue; nilaa mo na lo asara *mbuki: mo mu zendo ti mu na *ahale ti lo sese ti azo ti Kanaan, ti azo ti mara ti Het, ti Amori, ti Perizi, ti Yebus na ti Girgashi. Mo sara ye alingbi na zendo ni, ngbanga ti so mo yeke mbirimbiri.

Sigingo 3:15

Nzapa akiri atene na Moïse: “Fade mo tene na azo ti Israel, mo tene: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac, Nzapa ti Jacob laa atokua mbi na ala.’ So iri ti mbi kpu na kpu laa; iri so azo ti angoi kue ayeke iri mbi na ni laa.

Awatokua 3:25

Atënë so Nzapa azia ando na yanga ti awayanga ti lo si ala tene so ayeke ndali ti ala, azo ti Israel. Ala li na ya ti *mbuki so Nzapa asara na akotara ti ala so awe. Lo tene na Abraham: ‘Na lege ti mbeni *hale ti mo, mbi yeke sara tufa na ndö ti asewa ti dunia kue.’

Ndia ti fani use ni 7:8

Me KOTA GBIA aye ala, lo ye ti sara ye so lo deba yanga ti lo lani daa na akotara ti ala. Nilaa, na lege ti ngangu ti maboko ti lo, lo sara si ala sigigi na sese ti Ezipte, ndo so lani ala yeke angbaa daa. Lo zi nga ala na gbe ti komandema ti Faraon, gbia ti Ezipte.