1 Mbai 16:14 - Mbeti ti Nzapa - Tënë so amu fini

¹⁴ Lo laa lo yeke KOTA GBIA Nzapa ti e, lo yeke fâ ngbanga na ndö ti sese kue.

1 Mbai 16:14 ပူးပေါင်းရင်းမြစ်များ

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

1 Mbai 16:12

Ala, *ahale ti Israel, zo ti kua ti KOTA GBIA, ala, ahale ti Jacob, ala so KOTA GBIA asoro ala, ala dabe ti ala na aye ti kpene so lo sara; ala dabe ti ala na aye ti dongo be so lo sara, na atënë ti fango ngbanga so asigigi na yanga ti lo.

1 Mbai 16:15

Ala dabe ti ala lakue na tënë ti mbuki ti lo, tënë ti yanga ti lo so ague ngbii asi na ahale ti ala ti molongo saki oko;

Abia (Psaumes) 100:3

Ayeke nzoni ala hinga atene, KOTA GBIA ayeke Nzapa. Lo laa lo sara e si e yeke azo ti lo. E yeke azo ti lo, e yeke tongana ataba ti lo so lo yeke bata ala.

Abia (Psaumes) 118:28

Mo yeke Nzapa ti mbi, mbi mu singila na mo; Nzapa ti mbi, mbi yeke he bia ti fa kota ti mo.

Abia (Psaumes) 63:1

Bia ti David. Lo he ni na ndembe so lo yeke na benyama ti Juda.

Abia (Psaumes) 95:7

Biani, lo yeke Nzapa ti e; e yeke azo ti lo so lo yeke bata e, ataba so lo yeke fa lege na ala. Laso, ala ma tënë so lo tene:

Sigingo 15:2

KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

Ésaïe 26:9

Na bi, be ti mbi ayeke na nzara ti mo, mbi yeke gi mo na be ti mbi kue. Tongana mo fâ ngbanga ti mo na li ti azo ti sese so, azo ti dunia ayeke manda ti sara ye ti mbirimbiri.