1 Mbai 16:10 - Mbeti ti Nzapa - Tënë so amu fini

¹⁰ Ala so ayeke gi KOTA GBIA, ala pika kate ndali ti iri ti lo so ayeke nde si ayeke nzoni kue, ala duti na ngia!

1 Mbai 16:10 ပူးပေါင်းရင်းမြစ်များ

1 Mbai 16:11

Ala gi KOTA GBIA, ala gi ngangu ti lo; ala gi le ti lo lakue.

1 Mbai 16:9

Ala he bia na lo, ala pika mozoko na lo; ala tene tënë ti aye ti kpene so kue lo sara!

1 Mbai 22:19

Tongaso, ala mu be ti ala na fini ti ala kue ti gi KOTA GBIA Nzapa ti ala. Ala londo, ala sara da so a zia ni nde ndali ti KOTA GBIA Nzapa; fade ala yeke mu sanduku ti *mbuki ti KOTA GBIA na aye so a zia nde ndali ti Nzapa ti zia na ya ti da so ala sara ndali ti lo.”

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

Abia (Psaumes) 22:27

Fade mbi yeke tisa azo so ye atia ala: ala yeke te ye, ya ti ala asi. Azo so ayeke gi KOTA GBIA, ayeke nzoni ala gonda lo, ala te gigi aninga, ala duti nzoni na ndö ti gigi ni!

Abia (Psaumes) 34:2

Fade mbi yeke mu singila na *KOTA GBIA na ngoi kue; yanga ti mbi ayeke ngba lakue ti gonda lo.

Abia (Psaumes) 34:3

Mbi yeke pika kate ti mbi ndali ti KOTA GBIA; ala asenge zo, ala ma mbi, ala duti na ngia!

Amato 8:17

Mbi, mbi ye azo so aye mbi. Azo so ayeke gi mbi, fade ala yeke wara mbi.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Ésaïe 45:25

Me na lege ti KOTA GBIA, *ahale ti Israel kue ayeke ga mbirimbiri, ala yeke pika kate ti ala ndali ni.

Jérémie 29:13

Fade ala yeke gi mbi si ala yeke wara mbi. Tongana ala gi mbi na be ti ala kue,