1 Mbai 15:29 - Mbeti ti Nzapa - Tënë so amu fini

²⁹ Na ndembe so sanduku ti mbuki ti KOTA GBIA ayeke li na Gbata ti David, Mikal, molenge ti Saul ti wali ayeke baa ndo na le ti fenetere. Lo baa gbia David so ayeke dodo si lo yeke sara ngia; na be ti Mikal, lo baa David tongana mbumbuse zo.

1 Mbai 15:29 ပူးပေါင်းရင်းမြစ်များ

2 Samuel 6:16

Na ndembe so sanduku ti mbuki ti KOTA GBIA ayeke li na Gbata ti David, Mikal, molenge ti Saul ti wali ayeke baa ndo na le ti fenetere. Lo baa gbia David so ayeke huru na nduzu si lo yeke dodo na dawa ti KOTA GBIA. Na be ti Mikal, lo baa David tongana mbumbuse zo.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.

2 Korente 5:13

Tongana e yeke azo so li ti ala ayeke daa pepe, e yeke tongaso ndali ti Nzapa. Tongana e yeke azo so li ti ala ayeke daa, e yeke tongaso ndali ti ala, a-ita.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

Awatokua 2:13

Me ambeni ayeke he azo ti Jésus, atene: “Azo so anyon samba agbu le ti ala awe!”

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Jérémie 30:19

Na popo ti ala, fade a yeke ma go ti azo so ayeke he bia ti mungo singila si ala yeke dekongo na ngia. Ala *ahale ti Jacob, fade mbi yeke sara si ala kiri awu mingi, wungo ti ala ayeke kiri na peko pepe; mbi yeke sara si azo ane ala, zo ayeke kiri ti baa ala tongana abuba zo pepe.

Jérémie 3:16

“Na lango ni so, tongana ala wu aga gbani gbani awe, fade azo ayeke kiri ti tene tënë ti sanduku ti *mbuki ti KOTA GBIA pepe – so tënë ti yanga ti KOTA GBIA laa – be ti zo ayeke kiri ti ti daa pepe, wala zo ayeke kiri ti dabe ti lo na ni pepe. Ala yeke girisa tënë ni; azo ayeke kiri ti leke mbeni sanduku ti mbuki nde pepe.

Zo ti bongbingo azo 3:4

Ngoi ti toto ayeke daa, ngoi ti hengo ngia ayeke daa; ngoi ti demango tere ayeke daa, ngoi ti dodo ayeke daa.

Abia (Psaumes) 150:4

Ala pika ngo, ala dodo ti sepela na lo! Ala sepela lo na aye ti mozoko ti kamba na *ngoli!

Abia (Psaumes) 149:3

Ayeke nzoni ala dodo ti sepela iri ti lo; ala pika ngo na kundi ti gonda lo.

Abia (Psaumes) 30:11

KOTA GBIA, ma mbi, baa mawa ti mbi! KOTA GBIA, mu maboko na mbi!”

1 Samuel 25:44

Mikal, molenge ti Saul ti wali ayeke lani kozo wali ti David. Me babâ ti Mikal amu lo ti ga wali na Palti, molenge ti Laish, zo ti gbata ti Galim.

1 Samuel 4:3

Aturugu ti Israel akiri na ya ti bâbâ ti ala si *akangba atene: “Ngbanga ti nyen laa *KOTA GBIA azia lege na azo ti Filistii ti fâ e laso tongaso? E gue na Silo, e mu sanduku ti *mbuki ti KOTA GBIA, e ga na ni. Tongaso si KOTA GBIA aduti na popo ti e si lo zi e na maboko ti awato ti e.”

Awafango-ngbanga 20:27

Na pekoni azo ti Israel ahunda KOTA GBIA. Andaa na ngoi ni so, sanduku ti *mbuki ti Nzapa ayeke na Betel.

Ndia ti fani use ni 31:26

“Ala mu buku ti Ndia so, ala zia ni na tere ti sanduku ti mbuki ti KOTA GBIA Nzapa ti ala. Buku ni ayeke ngba na ndo so tongana mbeni ye so ayeke fa asioni ti azo ti Israel na le ti ala.

Wungo ti azo 10:33

Azo ti Israel alondo na hoto ti KOTA GBIA ti hon si ala tambula na ya ti lango ota. Na ya ti lango ota so kue, sanduku ti *mbuki ti KOTA GBIA ayeke hon na dawa ti ala ti gi ndo so ala lingbi ti wu tere ti ala daa.

Sigingo 15:20

Tongaso Miriam, wayanga-Nzapa, ita ti Aaron ti wali amu kete ngo. Awali ti Israel kue amu peko ti lo, ala yeke pika kete ngo si ala yeke dodo.

1 Mbai 17:1

So David aduti na yangbo ti lo awe, lo tene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti *KOTA GBIA ayeke lango na gbe ti da ti bongo.”

Josué 4:7

Fade ala kiri tënë na ala, atene: ‘Ya ti ngu ti Jourdain akangbi use na ndembe so sanduku ti mbuki ti KOTA GBIA ayeke hon lani na ya ni. Na ndembe so sanduku ti mbuki ni ayeke hon na ya ti ngu ni, ya ti ngu ni akangbi use. Atêne so ayeke ga ande ye ti dango be ndali ti azo ti Israel kpu na kpu.’ ”

1 Mbai 15:28

Azo ti Israel kue ague na sanduku ti mbuki ti KOTA GBIA na Jérusalem; ala yeke dekongo na ngia si ala yeke huru adidi, atatalita, ala yeke pika awen so atoto, akota kundi na akete kundi.