1 Mbai 15:26 - Mbeti ti Nzapa - Tënë so amu fini

²⁶ Ndali ti maboko so Nzapa amu na azo ti mara ti Lévi, ala yo sanduku ti mbuki ti KOTA GBIA; ala mu *sandaga ti akoli-bagara mbarambara na ti akoli-taba mbarambara.

1 Mbai 15:26 ပူးပေါင်းရင်းမြစ်များ

2 Samuel 6:13

So azo so ayo sanduku ti mbuki ti KOTA GBIA abi gere ti ala fani omene awe, David amu koli-bagara oko na mbeni kete bagara ti mafuta na *sandaga na Nzapa.

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

Mbeti ti Job 42:8

Fadeso, ala mu akoli-bagara mbarambara, akoli-taba mbarambara, ala gue, awara Job, zo ti kua ti mbi. Ala mu anyama ni na *sandaga so a yeke gbi kue na wâ ndali ti ala wani. Fade Job ayeke sambela ndali ti ala, mbi yeke yeda na sambela ti lo. Tongaso, mbi yeke sara na ala pepe alingbi na ye ti buba so ala sara; ala tene taa-tënë na ndö ti mbi pepe; gi Job, zo ti kua ti mbi laa atene taa-tënë.”

Ezekiel 45:23

Na ya ti alango mbarambara ti matanga ni, na ya ti lango oko oko, makonzi ni ayeke mu akoli-bagara mbarambara, akoli-taba mbarambara so mbeni mbage ti tere ti ala abuba pepe ti mu na sandaga so a yeke gbi ni kue na wâ; lo yeke mu nga koli-ngasa oko ti mu na sandaga titene Nzapa azi sioni na li ti azo.

Wungo ti azo 23:29

Balaam atene na Balak: “Mo leke na mbi agbalaka mbarambara na ndo so; mo mu na mbi akoli-bagara mbarambara nga na akoli-taba mbarambara.”

Wungo ti azo 29:32

“Na mbarambara lango ni, ala yeke mu akoli-bagara mbarambara, akoli-taba use, akete taba baleoko na osio ti ngu oko so mbeni mbage ti tere ti ala abuba pepe ti ya na sandaga so a yeke gbi ni kue na wâ na KOTA GBIA.

Awatokua 26:22

Me Nzapa abata mbi ngbii asi laso si mbi ngba ti fa peko ti ye so asi mbi na azo kue: akete zo na akota zo. Mbi yeke tene gi tënë ti ye so Moïse na awayanga-Nzapa atene tënë ni ando si ye ni asi so.

2 Korente 2:16

Ti azo so ayeke girisa, fion ti yombo ni ayeke fion ti kuâ so ayeke sara titene zo akui. Ti azo so ayeke soo kuâ, fion ni ayeke fion ti fini so ayeke mu fini na zo. Me zo wa laa alingbi ti sara mara ti kua so?

2 Korente 3:5

E baa tere ti e pepe, e tene, e lingbi ti sara kua ni na ngangu ti e wani, me e lingbi ti sara kua ni na ngangu so alondo na Nzapa.

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”